Loma 2:8 - Tokelauan New Testament

⁸ Kae ka fakaalia tona ita ma tona tōkahā ki a te ki lātou e manatu fakapito ma teteke ki te mea e hako, kae ke mulimuli ai pea ki lātou ki te mea e hehē.

Loma 2:8 ပူးပေါင်းရင်းမြစ်များ

Loma 1:18

Ko te tōkahā o te Atua e fakaalia mai te lagi, mo nā agahala ma uiga kino uma o tagata, ma e ala i o lātou uiga kino, kua faigatā ai ke fakailoa te meamoni.

Loma 10:16

Kae e hēki talia e ki lātou uma te Tala Lelei. E vē oi lea ia Ihaia, “Te Aliki, ko ai nei te kua talitonu mai ki ta mātou fekau e tau logologo?”

Loma 15:18

Ko au ka hē popoi lele ma ka tautala oioti lava ki nā mea kua fai e Keliho kui mai ia te au, ke takitaki ai ia tagata nukukehe ke uhitaki ki te Atua. Kua fai e ia te mea tēnei e ala i nā kupu ma nā gāluega fakatino,

Loma 6:17

Kae fakafetai ki te Atua, auā e ui lava nae i ei he taimi na fai ai koutou ma pologa a te agahala, ka kua uhitaki koutou ma te loto kātoatoa ki te tūlaga o nā akoakoga na maua e koutou.

Loma 9:22

E vēhea kāfai te Atua e fofou ke fakaali tona tōkahā ma tona mālohi, kae kua lahi pea lava tona onohai ki nā tino e tatau ke pakū ki ei tona tōkahā, nā tino e tuku e fakaumatia;

1 Kolinito 11:16

Kae kāfai he tino e fakafehiligia e ia te mea tēnei, oi oti lava te mea e lea atu ai au, e hēai ni a tātou tū māhani i nā mea tau tāpuakiga, ma e vēnā foki iētahi Ekalehia a te Atua.

2 Kolinito 12:20

Ko au e popole nā ia au e pa atu kua kehe te tūlaga kua i ei koutou i lo te mea e fofou au ki ei, ma koutou kitea kua kehe te tūlaga kua i ei au i lo te mea e fofou koutou ki ei. Ko au e popole nā ia au e pa atu ko koutou e tauai miha ma loto kino, e loto ita ma manatu fakapito, e tau fakakino ma faitatala, e mimita ma hē pūlea.

Kalatia 5:20

ko te ifo ki tupua ma te fai mea fakataulaitu. Ko te fevaevaeaki ma tauaimiha; ko te loto kino, ko te ita ma te manatu fakapito. Ko te fetekeaki ma fai itū kau;

Filipi 1:17

Ko iētahi tino, e hē tālakia e ki lātou e uiga ki a Keliho i te agaga moni, kae i te agaga fia hili ma te fakapito; e taumafai ki lātou ke fai nā mea ke ātili āfāina lahi ai au, ka ko i te falepuipui au.

Filipi 2:3

Nahe faia lele he mea e koutou e ala i te manatu fakapito pe ko te fāfia, kae fai i te loto maulalo, ma ke fakamuamua lava te manatu, e hili atu te tāua o iētahi tino i lo koutou.

2 Tehalonia 1:8

ma te afi mumū, ke fakahala ai nā tino e teteke ki te Atua ma hē uhitaki ki te Tala Lelei e uiga ki to tātou Aliki ko Iehu.

Tito 3:9

Kae kalo kehe mai nā tauaiga kupu valea, nā talagā gafa, nā fefīnauakiga, ma nā tauaimihaga e uiga ki te Tūlāfono. Ko nā mea iēnei e hēai he uiga ma hēai he aogā.

Epelu 10:27

Kae oioti lava te mea ko te fakatalitali ma te mataku, ke pa mai te Fakamahinoga ma te afi kakaha e fakaumatia ai ki lātou e teteke ki te Atua.

Epelu 11:8

Ko te fakatuatua o Apelaamo te na mafai ai ke uhitaki ki te Atua i te kalagaga ki ei o te Atua ke fano ki te fenua kua uma te ia folafolagia mo ia. Na tukua e ia tona lava fenua kae fano ki he mea e hē ia iloa pe ko fea.

Epelu 5:9

Na kavea ia ma auala na maua ai e nā tino uma e uhitaki ki a te ia te fakaolataga e fakavavau, i na kua uma te ia fakataunukua o nā mea uma na tuku e ia faia,

Iakopo 3:14

Kae kāfai nā loto o koutou e tumu i te fuā, te ita ma te fakapito, koutou nahe gugutu ma talapepelo ke mumuni ai te meamoni.

Iakopo 3:16

Auā ko te mea e i ei te fuā ma te fakapito, ka i ei ai foki te vevehi ma nā itūkāigā āmio kino uma.

1 Petelu 3:1

E vēnā foki koutou fafine kua fai kāiga, e tatau koutou ke i lalo o te pule a autou tāne. E tuha lava la pe i ei ni tino o ki lātou e hē talitonu ki te kupu a te Atua, kae ka kavea te koutou uhitaki ma mea e liliu ai ki lātou ma talitonu. E hē tau faia e koutou he kupu ki ei,

1 Petelu 4:17

Auā kua pa mai te taimi ka kāmata ai te fakamahinoga, ma ko nā tino moni o te Atua ko ki lātou iēnā te ka muamua oi fakamahino. Kāfai e kāmata ia te ki tātou, he ā nei te ikuga o nā tino e hē talitonu ki te Tala Lelei mai te Atua?

Fakaaliga 14:10

ka feinu lava ki te uaina a te Atua, te uaina o tona tōkahā e liligi vē e hē talāgia ki loto o te ipu o tona ita. Ko ki lātou uma e faia te mea tēnei, ka fakatīgāina i te afi ma te teiō, i mua o nā agelu paia ma te Punuamāmoe.

Fakaaliga 16:19

Kua vae tolu te kakai i te mafuie, ma kua fakakino ia kakai o mālō uma. E hēki puli ia Papelona i te Atua, ma na ia fakainua i te uaina mai tana ipu — te uaina o tona tōkahā.