Loma 2:7 - Tokelauan New Testament

⁷ Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

Loma 2:7 ပူးပေါင်းရင်းမြစ်များ

Mataio 25:46

Ko nā tino la iēnei, ka kave ki te fakahalaga e pa ki te fakavavau, ka ko nā tino āmiotonu ka maua e ki lātou te ola e fakavavau.”

Luka 21:19

Ko te koutou onohai, ka maua ai e koutou te ola moni.

Luka 8:15

Ka ko nā fatu haito na lūlū ki luga o te kelekele lelei, e fakatuha ki nā tino e ki lātou lagona te kupu ma tāofi mau ki ei ma te fakamāoni ma te loto lelei, ma onohai pea lava ke pa ki te taimi e fua mai ai.

Ioane 4:36

Ko te tino e ia helehelea, e maua tona totogi, ma e ia fakaputu maia na fua o te fatoaga mo te ola e fakavavau; ma ka fiafia fakatahi ai te tino e ia totōa, ma te tino e ia helehelea.

Ioane 5:44

E fofou koutou ke maua ni vīkiga o tētahi mai tētahi, kae e hē taumafai lele koutou ke koutou maua te vīkiga, e nā ko te Atua lava oioti te maua mai ai. E mafai vēhea la ke talitonu mai koutou ki a te au?

Loma 2:10

Kae ka tuku atu e te Atua ki a ki lātou uma e faia nā gāluega lelei, te vīkiga, te mamalu ma te fīlēmū, muamua ki tagata Iutaia ma vēnā foki ma tagata Eleni.

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

Loma 8:18

I toku manatu, ko nā puapuagā e feagai ma ki tātou i te taimi nei, e hē fakatuhatuhagia lele ki te mamalu ka fakailoa mai e te Atua ki a te ki tātou.

Loma 9:23

ma e vēhea pe kāfai kua ia faia te mea tēnei kae ke fakailoa ai te lahi lele o tona mamalu fakaalia mo ki tātou nā tino e fakaaga ki ei tona alofa fakahao, nā tino o ki tātou kua uma te ia tāpenagia ke maua e ki lātou tona mamalu fakaalia.

1 Kolinito 15:42

E vēnei la te mea ka pa ki ei kāfai nā tino oti e toe tutū mai i te oti. Kāfai te tino e tanu e fano e pala, kāfai e toe fakatū mai i te oti, e hē toe pala.

1 Kolinito 15:50

Ko te uiga o taku lea atu, te kau uho, ko te mea e gaohia i te kanofi ma te toto, e hēai hona inati i loto o te Mālō o te Atua, ma ko te mea e fano e pala, e hē mafai ke hē pala.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

Kalatia 6:9

Ki tātou la nahe fakavāivai oi fai nā mea e lelei; auā kāfai ki tātou e hē fakavāivai, e hau te taimi ka maua ai e ki tātou te helehelega.

Efeho 6:24

Ke ia te koutou uma e alolofa pea lava ki to tātou Aliki ko Iehu Keliho, te alofa tūnoa o to tātou Atua.

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.

1 Timoteo 1:17

Ke i te Tupu o te fakavavau, tē e ola pea lava ma hē kitea e he tino, te Atua e tokatahi lava — te mamalu ma te vīkiga, ke pa ki te fakavavau lava! Amene.

2 Timoteo 1:10

kae nei kua fakaalia ki a te ki tātou, e ala i te haele mai o to tātou Fakaola ko Keliho Iehu. Kua fakauma e ia te mālohi o te oti, ma fakailoa mai e ala i te Tala Lelei, te ola e hē uma.

Epelu 2:7

Na kē faia ki lātou mo he taimi pukupuku, ke i lalo ifo mālie te tāua o ki lātou i lo nā agelu; kua fakapale e koe ki lātou i te mamalu ma te fakaaloalo lahi,

Epelu 6:12

Ko ki mātou e hē fofou ko koutou ke nonofo tauanoa. Kae ko ki mātou e fofou ko koutou ke vē ko nā tino kua talitonu ma e onohai, ma mauagia nā mea kua uma te folafola e te Atua.

Epelu 6:15

Ko Apelaamo nae onohai, ma na maua e ia nā mea na folafola e te Atua.

1 Ioane 2:25

Ma ko tēnei te mea na folafola mai e Keliho lava ia mo ki tātou — ko te ola e hē gata.