Loma 2:4 - Tokelauan New Testament

⁴ Pe ko koe e manatu māmā ki te lahi o te agalelei, te fakapalepale ma te onohai o te Atua? E hē kē iloa ko te Atua e agalelei, ona e fofou ke takitaki koe ki te halamō?

Loma 2:4 ပူးပေါင်းရင်းမြစ်များ

Loma 10:12

Ko te mea tēnei e aofia ai ia tagata uma, auā e hēai he mea e kehekehe ai ia tagata Iutaia ma tagata nukukehe; ko te Atua ko te Aliki ia e tahi o tagata uma, ma e ia kavatua nā fakamanuiaga e lahi mo ki lātou uma e kālalaga atu ki a te ia.

Loma 11:22

E ki tātou kiteagia i kinei te agalelei ma te fakahāuā o te Atua. E fakahāuā ki a te ki lātou kua pakukū ki te agahala, kae agalelei ki a te koutou — pe kāfai e tūmau pea koutou i tona alofa. Kae kāfai e hēai, ko koutou foki la ka tagau kehe.

Loma 11:33

Kai te lahi lele o te tamaokāiga o te Atua! Kai te loloto lele o tona poto ma tona mālamalama! Ko ai nei te ia mafaia oi fakamālamalama ana tonu? Ko ai nei te mālamalama i ona ala?

Loma 3:25

Na ofo atu ia e te Atua kae ke kavea ai tona toto ma auala e fakamāgalo ai ia agahala a tagata, e ala i to lātou fakatuatua ki a te ia. Na fai e te Atua te mea tēnei ke fakakitea ai ko ia e āmiotonu. I nā aho kua teka, ko te Atua nae onohai ma ko te ala ia na hēki fia mātau ai e ia nā agahala a tagata; kae i nā aho nei, kua mātau e ia kae ke fakakitea ai tona āmiotonu. I te faiga tēnei, kua fakaalia ai e te Atua lava ia, ko ia e āmiotonu ma e ia fakaleleia te va o tagata uma ma ia.

Loma 6:1

Ka vēhea ake nei la ki tātou? Ka fai pea lava e ki tātou te agahala, kae ke fakalahi ātili ai te alofa tūnoa o te Atua?

Loma 6:15

E vēhea la? Ka fai nei la e ki tātou te agahala meamanū ko ki tātou e hē i lalo o te tūlāfono, kae e i lalo o te alofa tūnoa o te Atua? Hēai!

2 Kolinito 8:2

Nae āfāina ki lātou i nā fakafītāuli, kae ko te lahi o to lātou fiafia na fakaatili ai to lātou limafoaki, e ui lava e mātitiva lahi lele.

Efeho 1:18

Ko au e talohaga atu ke tatala ko outou māfaufau ke kitea ai e koutou te mālamalama e hau mai ia te ia, kae ke iloa ai e koutou pe ko he ā tonu te fakamoemoe kua kalaga mai ai ki a te koutou, ma te lahi o nā fakamanuiaga gali kua folafola e ia ki ona tagata,

Efeho 1:7

Ona ko te mate o Keliho, kua maua ai e ki tātou te haolotoga — ko a tātou agahala kua fakamāgalo. E aloā e tūkehe te alofa tūnoa o te Atua,

Efeho 2:4

Kae ko te Atua e tumu i te alofa fakahao, ma ko te tūkehe o te lahi o tona alofa mo ki tātou,

Efeho 2:7

Na fai e ia te mea tēnei ke fakaalia ai mo taimi uma lele koi mua, te tūkehe o te lahi o tona alofa tūnoa, e ala i te agalelei o Keliho Iehu ki a te ki tātou.

Efeho 3:16

Ko au e tatalo ki te Atua ke fōki atu ki a te koutou mai te lahi o tona alofa tūnoa, te mālohi e ala i tona Agaga, ke mākekeke ai outou loto;

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Filipi 4:19

Ma ka fōki atu e toku Atua ki a te koutou mai te lahi o tona tamaokāiga e ala ia Keliho Iehu, nā mea uma lele e fofou koutou ki ei.

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.

Kolohe 2:2

E fai e au te mea tēnei kae ke fakatumulia ai ki lātou i te loto mākeke ma fuhia fakatahi i te alofa, ma lahi ai te mautinoa o ki lātou e ala i to lātou mālamalama e uiga ki te mealilo a te Atua, ko Keliho tēnā.

1 Timoteo 1:16

kae ko te Atua na alofa fakahao mai ki a te au, kae ke mafai ai ia Keliho Iehu ke fakaalia te kātoatoa o tona onohai ki a te au, te tino agahala e hili atu te kino, ke fai ma fakatakitakiga ki nā tino e talitonu ki a te ia i he taimi mulimuli, ma maua ai e ki lātou te ola e fakavavau.

1 Timoteo 6:17

Kae e vē la ki nā tino e mau koloa i nā mea o te ōlaga tēnei, fakatonu ki ei ke nahe ki lātou fia hihili, kae ke tuku to lātou fakamoemoe, e hē ki nā mea e hē mautinoa e vē ko nā koloa, kae ki te Atua tē e kaumaia nā mea e lahi ke fiafia ai ki tātou.

1 Petelu 3:20

Ko nā agaga iēnei e hēki uhitaki ki te Atua i te taimi ka koi fakatalitali ai ia ma te onohai mo ki lātou, i nā aho nae fau ai te vaka e Noa. E hē tokalahi nā tino nae i luga o te vaka — e toka valu oioti — na fakaola ki lātou e te Atua e ala i te vai.

2 Petelu 1:11

ma ka ia te koutou te aiā kātoatoa ke ulufale ai ki te Mālō e fakavavau o to tātou Aliki ma to tātou Fakaola ko Iehu Keliho.

2 Petelu 3:15

E tatau ke kikila vē koutou, ko te onohai o te Aliki ko he avanoa tēnā kua ia fōkiatua ke mafai ai koutou ke fakaolagia, e vē lava ko te tuhi atu a to mātou uho pele ki a Paulo ma na ia fakaaogā ai te poto na fōki ki ei e te Atua.

2 Petelu 3:3

Ko te mea muamua, e tatau koutou ke mālamalama e i ei nā tino e pūlea e o lātou lava tuinanauga kino, ka ōmamai ki a te koutou i nā toe aho. Ka fakatauemu atu ki a te koutou

2 Petelu 3:9

Ko te mea kua uma te folafola e te Aliki e hē tuai te fakataunukuga e ia, e vē oi manatu iētahi tino. Kae e onohai pea lava ia, auā e hē fofou ke i ei he tino o koutou e fakaumatia, kae e fofou ko tagata uma ke liliu kehe mai a lātou agahala.

Fakaaliga 2:21

Kua kō tukua ki ei he taimi ke halamō ai i ana agahala, kae e hē fofou ke liliu kehe mai nā tuinanauga mātagā o te tino.

Fakaaliga 3:20

Kikila, ko au e tū i te faitotoka ma tukituki atu; kāfai he tino e ia lagona toku leo ma tatala mai e ia te faitotoka, ka fanatu au ki loto o tona fale ma kakai fakatahi ki māua.