Loma 2:29 - Tokelauan New Testament

²⁹ Ka ko te Iutaia moni, ko ia tēnā e Iutaia i loto, ma ko te pelitome moni ko he mea e i te fatumanava o te tino — he mea e māfua ona ko te gāluega a te Agaga Paia, kae hē ona ko te Tūlāfono kua tuhituhia. Ko te tino e vēnei, e maua e ia he vīkiga mai te Atua, kae hē mai tagata.

Loma 2:29 ပူးပေါင်းရင်းမြစ်များ

Luka 11:39

Oi vāgana atu ai te Aliki ki ei, “Ko koutou te kau Falehaio, e fufulu e koutou ia fafo o autou iputi ma autou ipukai, kae ko loto e tumu i nā uiga fakahāuā ma te āmio kino.

Luka 17:21

Ka hēai he tino e lea vē, ‘Kikila, tēnei!’ pe lea vē mai, ‘Tēia i ko!’; auā ko te Mālō o te Atua e i loto ia te koutou.”

Ioane 12:43

E hili atu to lātou fiafia ke maua ni o lātou vīkiga mai tagata i lo ni o lātou vīkiga mai te Atua.

Ioane 4:23

Kae e hau te taimi, ma kua i kinei i te taimi nei, ka tāpuaki atu ai ki te Tamana ia tagata, i te mālohi o te Agaga o te Atua, ma kavatu ki a te ia te tāpuakiga e moni ma fofou ia ki ei.

Ioane 5:44

E fofou koutou ke maua ni vīkiga o tētahi mai tētahi, kae e hē taumafai lele koutou ke koutou maua te vīkiga, e nā ko te Atua lava oioti te maua mai ai. E mafai vēhea la ke talitonu mai koutou ki a te au?

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Loma 2:27

Ma ko koutou tagata Iutaia, ka taku halagia koutou e tagata nukukehe ona e holi e koutou te Tūlāfono, e ui lava na tuhituhia e koutou ma ko koutou kua uma te pelitome; kae ko ki lātou e uhitaki ki te Tūlāfono, e ui lava e hēki pelitomeagia.

Loma 3:1

E i ei la he mea e hili atu ai ia tagata Iutaia i lo tagata nukukehe? Pe, he ā foki te aogā o te pelitome?

Loma 7:6

Kae i te taimi nei, ko ki tātou kua haoloto mai te Tūlāfono a Mohe. Ko ki tātou kua oti ma kua hē toe haihaitia i te Tūlāfono. Ko te mea ia, ko ki tātou kua hē toe tautua ki te Atua e ala i te mulimuli ki te tūlāfono tuai e vē ona tuhituhia, kae e ala i te faiga fou e fakaali mai e te Agaga o te Atua.

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

1 Kolinito 7:19

Pe kua pelitome he tino pe hēai, e hēai lele he mea e i ei; ko te mea e fakatāua ko te uhitaki ki nā fakatonuga a te Atua.

2 Kolinito 10:18

Auā, ko ki tātou e talia oioti e te Aliki pe kāfai ki tātou e lelei i tana kikila, kae hē ona ko ho tātou manatu ko ki tātou e lelei.

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

Filipi 3:3

Ko ki tātou nā tino kua mauagia te pelitome moni, auā ko ki tātou e tāpuaki ki te Atua e ala i tona Agaga, ma ko ki tātou e fiafia i to tātou ola i te māfutaga ma Keliho Iehu. E hē fakamoemoe ki tātou ki faiga a tagata i te kikila atu i fafo.

1 Tehalonia 2:4

Kae ko ki mātou e tautatala lava i te mea e fofou ki ei te Atua, auā kua uma te ia fakatagagia o ki mātou, ke tālakia te Tala Lelei. E hē taumafai ki mātou ke fai te mea e fiafia ki ei ia tagata, kae ko te mea e fiafia ki ei te Atua, tē e ia kiteagia nā mea i o mātou loto.

1 Petelu 3:4

Kae ko te aulelei o koutou, e tatau ko nā mea e moni i loto lava o koutou, te aulelei e hē teka lele o te agaga agamalū ma fīlēmū. Ko tēnei te mea e hili atu te tāua i te kikila a te Atua.