Loma 2:27 - Tokelauan New Testament

²⁷ Ma ko koutou tagata Iutaia, ka taku halagia koutou e tagata nukukehe ona e holi e koutou te Tūlāfono, e ui lava na tuhituhia e koutou ma ko koutou kua uma te pelitome; kae ko ki lātou e uhitaki ki te Tūlāfono, e ui lava e hēki pelitomeagia.

Loma 2:27 ပူးပေါင်းရင်းမြစ်များ

Mataio 3:15

Kae kua tali mai ia Iehu, “Fai vēia ko mo te taimi nei, kae ke fakatino ai nā mea uma kua finagalo ki ei te Atua.” Oi malie ai ki ei ia Ioane.

Gāluega 13:22

I te kave kehega e te Atua o Haulo, oi ia filifilia ai ia Tavita ke hui ki ei. E vēnei te vāgana a te Atua na fai e uiga ki a Tavita, ‘Kua iloa e au ko Tavita te ataliki o Iehe, ko te itūkāigā tagata ia e fofou au ki ei, he tino ka ia faia nā mea uma e fofou au ki ei.’

Loma 13:10

Kāfai koe e alofa ki iētahi tino, ka hēai lele hau mea kino e fai ki ei; kāfai la koe e alofa, ko tona uiga kua uhitaki koe ki te Tūlāfono kātoa.

Loma 2:15

E fakaalia ia lātou mea e fai, ko nā mea e fakatonu mai e te Tūlāfono kua tūhia i o lātou loto. E fakaalia foki e ala i o lātou lotofuatia te moni o te mea tēnei, auā ko iētahi taimi ko o lātou manatunatuga e vē ake, “E hehē tau mea na fai” kae ko iētahi taimi e vē ake, “E hako tau mea na fai.”

Loma 2:20

he fakatonu mo nā tino vālelea, ma he faiakoga mo ki lātou e hē iloa he mea. E mautinoa lava e koe kua kātoatoa tō mālamalama ma tō iloa e uiga ki te meamoni, ona kua kē iloa te Tūlāfono.

Loma 2:25

Ko te pelitome e aogā oioti kāfai koe e uhitaki ki te Tūlāfono; kae kāfai e holi e koe te Tūlāfono, ka vē lava koe ko he tino e hēki pelitomeagia.

Loma 2:26

Kāfai la he tino nukukehe e uhitaki ki nā mea e lea mai ai te Tūlāfono e ui lava ko hēki pelitomeagia, ka hē vē nei ia ko he tino kua uma te pelitome i te kikila a te Atua?

Loma 2:29

Ka ko te Iutaia moni, ko ia tēnā e Iutaia i loto, ma ko te pelitome moni ko he mea e i te fatumanava o te tino — he mea e māfua ona ko te gāluega a te Agaga Paia, kae hē ona ko te Tūlāfono kua tuhituhia. Ko te tino e vēnei, e maua e ia he vīkiga mai te Atua, kae hē mai tagata.

Loma 3:30

E fokotahi oioti lava te Atua, ma ka ia fakaleleia te va o tagata Iutaia ma ia, e ala i to lātou fakatuatua. Ka vēnā foki oi ia fakaleleia te va o tagata nukukehe ma ia, e ala i to lātou fakatuatua.

Loma 8:4

Na fai e te Atua te mea tēnei, kae ke fakatino kātoatoa ai te tūlāfono ia te ki tātou e mulimuli ki te takitakiga a te Agaga, kae hē ki te takitakiga a te natula fakatetagata.

1 Kolinito 7:19

Pe kua pelitome he tino pe hēai, e hēai lele he mea e i ei; ko te mea e fakatāua ko te uhitaki ki nā fakatonuga a te Atua.

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

Kalatia 5:14

Auā ko te Tūlāfono kātoa e aofia i loto o te fakatonuga e fokotahi: “Alofa ki tō tuākoi e vē oi alofa koe ki a te koe lava.”

Efeho 2:11

Ke manatua ko koutou na fānanau mai ni tagata nukukehe — nae takua “ni tino hē pelitomea” e nā tino Iutaia nae ki lātou takua ki lātou “ni tino kua pelitome” (he mea e fai ki te tino i nā lima).

2 Timoteo 3:15

ma e manatua e koe, na kē iloa mai lava nā Tuhituhiga Paia ka koi tamaiti koe, ma kua maua ai e koe te poto e uiga ki te fakaolataga e ala i te fakatuatua ki a Keliho Iehu.

Epelu 11:3

Ko te fakatuatua kua mālamalama ai ki tātou ko te lagi ma te lalolagi na gaohia i te kupu a te Atua, ma ona ko tēnei, ko nā mea e kitea na gaohia mai i nā mea e hē kitea.