Loma 2:13 - Tokelauan New Testament

¹³ Auā e hē ko nā tino e lagona i o lātou taliga te Tūlāfono te fakaleleia e te Atua to lātou va ma ia, kae ko nā tino e uhitaki ki nā mea e fakatonu mai e te Tūlāfono.

Loma 2:13 ပူးပေါင်းရင်းမြစ်များ

Luka 18:14

Kua vāgana atu ia Iehu, “E lea atu au ki a te koutou, ko te aolāfoga kae hē ko te Falehaio te tino e hako i mua o te Atua i te fanoga ki tona fale. Auā ko nā tino e loto fakamaualuga, ka fakamaulalogia! Ka ko nā tino e lotomaulalo, ka fakaeke ki luga ma kavea ma tagata takutakua.”

Luka 8:21

Ka kua vāgana atu ia Iehu ki a te ki lātou uma, “Ko toku mātua ma oku uho, ko ki lātou iēnā e lagona te kupu a te Atua, ma uhitaki ki ei”

Ioane 13:17

Nei la kua koutou iloa te moni o nā mea iēnei, amutia koutou kāfai e fakatakitaki koutou ki ei!

Loma 10:5

Ko te mea tēnei na tūhia e Mohe e uiga ki te fakaleleia o te va ma te Atua e ala i te mulimuli ki te Tūlāfono. “Ko ai lava e uhitaki ki te mea e fakatonu mai e te Tūlāfono, ka ola ia.”

Loma 2:25

Ko te pelitome e aogā oioti kāfai koe e uhitaki ki te Tūlāfono; kae kāfai e holi e koe te Tūlāfono, ka vē lava koe ko he tino e hēki pelitomeagia.

Loma 3:20

Auā e hēai he tino e mafai ke fakalelei tona va ma te Atua, ona e mulimuli ki nā mea e lea mai ai te Tūlāfono; auā ko te Tūlāfono e maua ai e ki tātou te mālamalama e uiga ki te agahala.

Loma 3:23

Ko ki tātou uma lele kua agahala, ma kua hē ki tātou mafaia ai oi fakailoa atu te mamalu o te Atua.

Loma 3:30

E fokotahi oioti lava te Atua, ma ka ia fakaleleia te va o tagata Iutaia ma ia, e ala i to lātou fakatuatua. Ka vēnā foki oi ia fakaleleia te va o tagata nukukehe ma ia, e ala i to lātou fakatuatua.

1 Kolinito 4:4

E hēai he mea e kō iloa e hehē ai au, kae e hē vēake ai la ko au e mamā. E nā ko te Aliki lava te ia fakamahinoa au.

Kalatia 2:16

Kae e iloa e ki tātou, oioti lava te auala e mafai ai he tino ke fakalelei tona va ma te Atua, ko te fakatuatua ki a Iehu Keliho, ka e hē ko te faia o nā mea e leamai ai te Tūlāfono na kui mai ia Mohe. Ko ki tātou foki la kua talitonu ki a Keliho Iehu, kae ke fakalelei ai to tātou va ma te Atua e ala i to tātou fakatuatua ki a Keliho, kae hē ona e fai e ki tātou nā mea e leamai ai te Tūlāfono. Auā e hēai he tino e mafai ke fakaleleia tona va ma te Atua e ala i te mulimuli ki nā mea e leamai ai te Tūlāfono.

Kalatia 5:4

Ko koutou iēnā kua taumafai ke fakalelei te koutou va ma te Atua e ala i te uhitaki ki te Tūlāfono, kua koutou momotu kehea lava koutou ma Keliho. Kua hē koutou maua te alofa tūnoa o te Atua.

Iakopo 1:27

Ko te mea e mamā i mua o te Atua ma ko te tāpuakiga moni ia, ko tēnei: ko te fehoahoani ki tamaiti mātua oti ma fafine kua feoti a lātou tāne, i nā mea e puapuagā ai, ma ke nahe pīhia lele koutou i nā uiga kino o te lalolagi.

1 Ioane 2:29

E iloa e koutou ko Keliho e āmiotonu; e tatau la ke koutou iloa ko nā tino uma e faia te mea e tonu, ni fānau ki lātou e a te Atua.

1 Ioane 3:7

Taku fānau, ia koutou lele nā fakahehēa e he tino! Ko ai lava e fai e ia te mea e tonu, ko ia tēnā e āmiotonu, e vē lava ko Keliho e āmiotonu.