Loma 2:1 - Tokelauan New Testament

¹ E fakamahino atu nei koe ki iētahi tino? Te uho, e tuha lava pe ko ai koe, e hēai lele he mea e tatau ai ke fai e koe he mea vēnā. Auā kāfai e fakamahino atu koe ki iētahi tino, kae toe fai foki lava e koe nā mea e ki lātou faia, ko tona uiga kua fakahalagia ia koe e koe lava.

Loma 2:1 ပူးပေါင်းရင်းမြစ်များ

Luka 12:14

Ka kua tali atu ki ei ia Iehu, “Na hei faia au ma fakamahino, pe ke pule i te vāevāega o nā mea a koulua ma tō uho?”

Luka 19:22

Kae kua lea atu ki ei te tupu, ‘Ko koe ko he kaukauna kino! Ko nā kupu lava mai tō gutu ka kō fakahalagia ai koe. Ko tēnā e kē iloa ko au he tagata faigatā, e kō kavea nā mea e hē āku, ma kō helehelea nā mea e hēki kō totōa.

Luka 6:37

“Nahe koutou fakamahino atu ki iētahi tino, oi hē fakamahinoa ai foki koutou e te Atua; nahe koutou fakahalagia iētahi tino, oi hē fakahalagia ai foki koutou e te Atua; fakamāgalo iētahi tino, oi fakamāgalo ai foki koutou e te Atua.

Loma 14:22

Ko nā mea kua talia e koe e uiga ki te mea tēnei, ko he mea lava i te va o koe ma te Atua. Amutia nā tino e hēai lele he fakaatu kāfai e fai e ki lātou nā mea e ki lātou iloa e hako!

Loma 2:2

E iloa e ki tātou te hako o te fakamahinoga a te Atua, mo nā tino e ki lātou faia nā mea vēnei.

Loma 2:3

Kae ko koe, te uho, e fai foki lava e koe nā mea e fakamahino atu ai koe ki iētahi tino! E vēake koe, ko koe e fakahao i te fakamahinoga a te Atua?

Loma 3:9

E i ei nei la he mea e hili atu ai ki mātou tagata Iutaia i lo nā tino nukukehe? E hēai lele. Kua uma te fakailoa atu e au, e tutuha lava nā tino Iutaia ma nā tino nukukehe; ei lalo uma lava o te pule a te agahala.

Loma 9:20

Kae ko ai nei koe, he tagata, ke toe tali ai koe ki te Atua? E hē mafai e te ulo ōmea ke lea vē atu ki te tino na ia gaohia ia, “He ā te na gaohi vē ai au e koe?”

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

1 Kolinito 7:16

Ko koe te āvaga Kelihiano, e vēhea ona kē iloa e mafai e koe oi fakahao tau tāne? Ko koe te tāne Kelihiano, e vēhea ona kē iloa e mafai e koe oi fakahao tau āvaga?

Iakopo 2:20

Kai koe te valea! E fofou koe ke fakahino atu ki a te koe ko te fakatuatua e aunoa ma ni gāluega, e hēai he aogā?

Iakopo 4:11

Te kau uho, nahe faitio tētahi ki tētahi. Kāfai e faitio pe fakamahino e koe hētahi tino, kua faitio ma fakamahino e koe te Tūlāfono. Kāfai e fakamahino e koe te Tūlāfono, ko tona uiga ko koe ko he tino e hē i lalo o te Tūlāfono, kae ko he tino e fakamahino e ia.