Loma 16:7 - Tokelauan New Testament

⁷ E fakafeiloaki atu foki ki a Anitolika ma Iuni, oku uho Iutaia nae i te falepuipui fakatahi ki mātou; e iloa lelei lele ki lāua e te kau apohitolo, ma na muamua oi kavea ki lāua ma Kelihiano i lo au.

Loma 16:7 ပူးပေါင်းရင်းမြစ်များ

Ioane 14:20

Kāfai e pa ki te aho tēnā, ka iloa e koutou ko au e tahi i te Tamana ma ko koutou e tahi ia te au, e vē lava ona tahi au ia te koutou.

Ioane 15:2

Ko nā lālā uma ia te au e hē fua mai ai ni fua, e tipi kehe e ia, kae ko nā lālā e fua mai ai ni fua, e teuteu fakamamā e ia, ke ātili fua mai ai ni fua e lahi.

Ioane 6:56

Ko nā tino e kakai ki toku kanofi ma inu ki toku toto, e tūmau ki lātou ia te au, ma au foki ia te ki lātou.

Loma 16:10

E fakafeiloaki atu ki a Apelene, ko tona fakamāoni ki a Keliho kua fakamāonia. E fakafeiloaki atu ki a te koutou i te kau kāiga o Alihitopula.

Loma 16:11

E fakafeiloaki atu au ki a Helotiona, he uho a Iutaia, ma ki lātou kua kavea ma Kelihiano i te kau kāiga o Nakiho.

Loma 16:21

E momoli atu ia alofaaga o Timoteo, toku hoa e gālulue fakatahi ki māua, mo koutou; e vēnā foki ia Loukio, Iahona, ma Huhipaito, oku uho a Iutaia.

Loma 16:3

E fakafeiloaki atu au ki a Pihila ma Akula, oku hoa kaukauna i te gāluega a Keliho Iehu;

Loma 16:6

E fakafeiloaki atu au ki a Malia, tē e galue mālohi mo koutou.

Loma 16:8

E fakafeiloaki atu ki a Amepiliato, he uō pele i te gāluega a te Aliki.

Loma 16:9

E fakafeiloaki atu foki ki a Oupana, te uho a kaukauna i te gāluega a Keliho, ma Hitahu taku uō pele.

Loma 8:1

I te taimi nei la, e hēai he fakahalaga mo ki lātou e ola i te māfutaga ma Keliho Iehu.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

Loma 9:3

ki oku tagata, oku kanofi ma oku toto! Na hili ai pe kana fetū au e te Atua ma kave kehea mai ia Keliho, pe kāfai ko te mea ia e maua ai e oku tagata he fehoahoani.

1 Kolinito 1:30

Kae kua kaumai koutou e te Atua ki te māfutaga ma Keliho Iehu, ma faia e te Atua ia Keliho ke kavea ma o tātou poto. Ona ko Keliho, kua mafai ai ke fakalelei to tātou va ma te Atua; kua fai ai ki tātou ma tagata o te Atua, ma kua maua ai e ki tātou te haolotoga.

2 Kolinito 11:23

Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.

2 Kolinito 12:2

E i ei he tino Kelihiano e iloa e au, na hikitia ake ki te lagi e hili te maualuga, e tuha kua hefulufa tauhaga taluai (e hē iloa e au pe ko te mea tēnei na tupu moni, pe ko he mea na fakailoa ki ei i he miti — nā ko te Atua oioti te ia iloa).

2 Kolinito 5:17

Ho he tino kua ia te ia te hokotaga ma Keliho, ko he tino fou ia; kua teka atu te mea tuai, kae kua hau te mea fou.

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Kalatia 1:22

I te taimi tēnā, ko hēki iloa au e nā tino o nā Ekalehia i Iutea.

Kalatia 2:2

Ko au na ala oi fano, ona na fakailoa mai lava e te Atua ki a te au, ko au e tatau ke fano. I ha mātou māfutaga nā ko ki mātou ma nā takitaki, na fakamālamalama ai e au ki a te ki lātou te Tala Lelei kua tālaki e au ki tagata nukukehe. E hē fofou au ko aku gāluega kua uma te fai ma nā gāluega i te lumanaki ke fakahēaogā.

Kalatia 2:6

Ko iētahi o ki lātou nae lea ko ki lātou ni takitaki — ko au e lea vēnei atu auā e hē tāua ia te au pe ko ai ki lātou iēnei; ko te Atua e hē fakamahino i te kikila atu i fafo — ko ki lātou iēnei e lea atu au, e hēki fakaopoopoa lele he lātou mea fou e fokotahi ki te Tala Lelei e kō tālakia.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Kalatia 6:15

E hē tāua pe pelitome te tino pe hēai; oioti lava te mea e tāua, ko te toe kavea o koe ko he tino fou.

Efeho 2:10

Ko ki tātou na fai e te Atua ke vē lava ko te tūlaga kua i ei ki tātou, ma i te māfutaga ma Keliho Iehu na gaohia ai ki tātou e te Atua mo he ōlaga o gāluega lelei, tēia kua uma te ia hāunia ke fai e ki tātou.

Kolohe 4:10

E alofa atu ia Alihitako, tēnei e falepuipui fakatahi ki māua, vēnā foki ia Maleko te fetautāina o Panapa. (Kua uma te koutou maua o te fakatonuga ke koutou taliagia fiafia ia Maleko kāfai e kui vēnā atu.)

Filemoni 1:23

E alofa atu ki a te koutou ia Epafalahi tēnei e i te falepuipui fakatahi ki māua e ala i te tautua ki a Keliho Iehu,

1 Ioane 4:13

E mautinoa e ki mātou ko ki tātou e ola i te māfutaga ma te Atua ma ko te Atua e ola i te māfutaga ma ki tātou, auā kua tuku mai e ia ki a te ki tātou tona Agaga.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

Fakaaliga 1:9

Ko au ko Ioane, he uho ki a te koutou, ma ko he hoko e o Iehu. Ko au he hoa e o koutou, ma e talia ma te onohai e ki tātou nā puapuagā e maua ai nā tino e o ki lātou te Mālō. Ko au na kave ki te motu ko Patamo ona nae kō folafolagia te kupu a te Atua ma te meamoni na fakaalia e Iehu.