Loma 16:3 - Tokelauan New Testament

³ E fakafeiloaki atu au ki a Pihila ma Akula, oku hoa kaukauna i te gāluega a Keliho Iehu;

Loma 16:3 ပူးပေါင်းရင်းမြစ်များ

Gāluega 18:26

Na kāmata loa oi tautala atu ia Apolo ma te hē mataku i loto o te hūnako. I te lagonaga e Pihila ma Akula te tautalaga a Apolo, oi kave ai e ki lāua ki to lā fale ma fakamālamalama hako ki ei e uiga te Ala o te Atua.

Loma 16:10

E fakafeiloaki atu ki a Apelene, ko tona fakamāoni ki a Keliho kua fakamāonia. E fakafeiloaki atu ki a te koutou i te kau kāiga o Alihitopula.

Loma 16:4

ko ki lāua iēnei, na lamatia lele o lā ola ona ko au. Ko au la e fakafetai lahi lele ki ei — e hē nā ko au oioti, kae vēnā foki nā Ekalehia uma a tagata nukukehe.

Loma 16:7

E fakafeiloaki atu foki ki a Anitolika ma Iuni, oku uho Iutaia nae i te falepuipui fakatahi ki mātou; e iloa lelei lele ki lāua e te kau apohitolo, ma na muamua oi kavea ki lāua ma Kelihiano i lo au.

Loma 16:9

E fakafeiloaki atu foki ki a Oupana, te uho a kaukauna i te gāluega a Keliho, ma Hitahu taku uō pele.

Loma 8:1

I te taimi nei la, e hēai he fakahalaga mo ki lātou e ola i te māfutaga ma Keliho Iehu.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

Loma 8:2

Auā ko te tūlāfono a te Agaga o te Atua, tēia e maua ai e ki tātou te ola i te māfutaga ma Keliho Iehu, kua maua ai e au te haolotoga mai te tūlāfono o te agahala ma te oti.

1 Kolinito 16:16

koutou ke mulimuli ki te takitakiga a nā tino vēnei, ma ho hētahi tino e gālulue fakatahi ki lātou.

1 Kolinito 16:19

E momoli atu nā fakamanuiaga mai nā Ekalehia i te itūmālō o Ahia mo koutou; ko Akula ma Pihila ma te Ekalehia e fai a lātou māfutaga i to lā fale, e momoli atu a lātou fakamanuiaga lahi i te igoa o te Aliki.

2 Kolinito 12:2

E i ei he tino Kelihiano e iloa e au, na hikitia ake ki te lagi e hili te maualuga, e tuha kua hefulufa tauhaga taluai (e hē iloa e au pe ko te mea tēnei na tupu moni, pe ko he mea na fakailoa ki ei i he miti — nā ko te Atua oioti te ia iloa).

2 Kolinito 5:17

Ho he tino kua ia te ia te hokotaga ma Keliho, ko he tino fou ia; kua teka atu te mea tuai, kae kua hau te mea fou.

Kalatia 1:22

I te taimi tēnā, ko hēki iloa au e nā tino o nā Ekalehia i Iutea.

Filipi 2:25

Kua manatu au e tatau ke uga atu ki a te koutou to tātou uho ki a Epafolotito, toku hoa i te gāluega ma nae tau fakatahi ma au, ma ko tautou kavefekau e fehoahoani mai ki a te au.

Kolohe 4:11

E alofa atu foki ia Iehu, ko tētahi ona igoa ko Iuhito. Ko ki lātou iēnei e toka tolu, ko nā tino Iutaia oioti lava ia e gālulue fakatahi ma au mo te Mālō o te Atua, ma e fehoahoani lahi lele mai ki a te au.

2 Timoteo 4:19

E momoli atu nā alofaaga ki a Pihila ma Akula, ma te kāiga o Onehifolou.