Loma 16:26 - Tokelauan New Testament

²⁶ Kae nei, kua fakailoa te meamoni ki te lalolagi kātoa e ala i nā tuhituhiga a te kau pelofeta; ma e tuha ai ma te fakatonuga a te Atua e fakavavau, ke mafai ai ia tagata nukukehe uma ke talitonu ma uhitaki ki te Atua.

Loma 16:26 ပူးပေါင်းရင်းမြစ်များ

Maleko 16:15

Oi vāgana atu ai ki a te ki lātou, “Olo ki itū uma o te lalolagi oi tālaki atu te Tala Lelei ki tagata uma.

Gāluega 10:43

Ko ia te na molimau ai te kau pelofeta uma, ko nā tino uma e talitonu ki a te ia, ka fakamāgalogia a lātou agahala, e ala i te mana o tona igoa.”

Gāluega 6:7

Ma ko te kupu a te Atua kua halalau pea lava. Kua tuputupu pea lava te nūmela o tagata kua talitonu ki a Iehu i Ieluhalema; ma e tokalahi nā ohitāulaga na ki lātou taliagia te Tala Lelei.

Loma 1:2

Ko te Tala Lelei na folafola e te Atua mai te kāloā e ala i ana pelofeta, e vē oi tūhia i nā Tuhituhiga Paia.

Loma 1:20

Talu te gaohia o te lalolagi e te Atua, e faigōfie lele oi iloa e tagata ko te mālohi o tona mana e hēai hona gataaga, ma ko ia ko te Atua moni. Ko nā mea iēnei e hē kitea, kae e mafai ke iloa. E iloa ona ko nā mea kua fai e te Atua. Oi e hēai la he mea e tatau ke hē ki lātou iloa ai.

Loma 1:5

Ko ia te na ala ai ona tuku mai te avanoa e te Atua ke kavea ai au ma apohitolo mo Keliho, kae ke takitaki ai e ia ia tagata o mālō uma, ke talitonu ma uhitaki.

Loma 15:18

Ko au ka hē popoi lele ma ka tautala oioti lava ki nā mea kua fai e Keliho kui mai ia te au, ke takitaki ai ia tagata nukukehe ke uhitaki ki te Atua. Kua fai e ia te mea tēnei e ala i nā kupu ma nā gāluega fakatino,

Loma 15:4

Ko nā mea uma kua tūhia i nā Tuhituhiga Paia, na tūhia ke akoako ai ki tātou, kae ke maua ai e ki tātou te fakamoemoe, e ala i te onohai ma te fakamālohi, e ki tātou maua mai i nā Tuhituhiga Paia.

Loma 3:21

Kae i te taimi nei, ko te auala e fakalelei ai e te Atua te va o tagata ma ia, kua uma te fakailoa mai. E hēki kui mai i te tūlāfono te mea tēnei, e ui lava na molimau te Tūlāfono a Mohe ma te kau pelofeta ki ei.

Kalatia 3:8

Na vavaka e te tuhituhiga paia e fakalelei e te Atua te va o ia ma tagata nukukehe e ala i to lātou fakatuatua. Ma na fakailoa ai te Tala Lelei ki a Apelaamo e ala i te tuhituhiga paia: “Ona ko koe, ka fakamanuia ai e te Atua ia tagata o mālō uma.”

Efeho 1:9

na fakatino ai e te Atua te mea na fofou ia ke fai, ma fakailoa mai ki a te ki tātou tana fuafuaga lilo kua uma te tonu ia te ia ke fakataunuku e ala ia Keliho.

Efeho 2:20

Ko koutou foki, kua fau ake e vē he fale ki luga o te fakavae na tuku ki lalo e te kau apohitolo ma te kau pelofeta, ma ko Iehu Keliho ko te fatu tulimanu.

Kolohe 1:26

ko te mealilo tēnā nae ia mumunia mai augā tupulaga mai te kāloā, kae nei kua fakailoa mai e ia ki ona tagata.

1 Timoteo 1:17

Ke i te Tupu o te fakavavau, tē e ola pea lava ma hē kitea e he tino, te Atua e tokatahi lava — te mamalu ma te vīkiga, ke pa ki te fakavavau lava! Amene.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

2 Timoteo 1:10

kae nei kua fakaalia ki a te ki tātou, e ala i te haele mai o to tātou Fakaola ko Keliho Iehu. Kua fakauma e ia te mālohi o te oti, ma fakailoa mai e ala i te Tala Lelei, te ola e hē uma.

Epelu 13:8

Ko Iehu Keliho e tutuha lava i te aho ananafi, te aho nei, ma ke pa lava ki te fakavavau.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

Fakaaliga 1:17

I te kō kiteaga o ia, oi fakapakū ai au ki tafa o ona vae e vē he tino kua oti. Kae kua tuku mai tona lima taumatau ki oku luga ma lea vē mai, “Ia koe nahe mataku! Ko au ko te muamua ma te mulimuli.

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.