Loma 15:8 - Tokelauan New Testament

⁸ Auā e lea atu au ki a te koutou, ko te ōlaga tautua o Keliho nae mo tagata Iutaia, ke iloa ai ko te Atua e fakamāoni, ke fakataunuku ana folafolaga ki o lātou tupuna,

Loma 15:8 ပူးပေါင်းရင်းမြစ်များ

Mataio 15:24

Ka kua tali atu ia Iehu, “Ko au na uga mai oioti ki nā tino o Ihalaelu e vē ni māmoe kua gagalo!”

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Ioane 1:11

Na hau ki tona nuku, kae e hēki talia ia e ona tagata.

Ioane 10:16

E i ei iētahi aku māmoe e hē i loto o te lōtoā tēnei. E tatau ke kō kaumaia foki ki lātou, ma ka uhitaki ki lātou ki toku leo. Oi ka tahi ai te lafu māmoe, ma tahi foki te leoleomāmoe.

Gāluega 13:46

Kae kua fakaatili ai te hē mātataku o Paulo ma Panapa ma lea vē atu ki a te ki lātou, “Ko te kupu a te Atua na folafola muamua atu ki a te koutou, ma ko he mea e hako lava. Kae ona ko koutou e teteke ki ei ma i ei outou manatu ko koutou e hē aogā ke maua e koutou te ola e fakavavau, ka tuku ai koutou e ki māua kae olo ki nā tino nukukehe.

Loma 11:22

E ki tātou kiteagia i kinei te agalelei ma te fakahāuā o te Atua. E fakahāuā ki a te ki lātou kua pakukū ki te agahala, kae agalelei ki a te koutou — pe kāfai e tūmau pea koutou i tona alofa. Kae kāfai e hēai, ko koutou foki la ka tagau kehe.

Loma 11:30

Kae vē la ko koutou tagata nukukehe, e i ei te taimi na teteke ai koutou ki te Atua. Kae i te taimi nei, kua teteke ia tagata Ihalaelu ki te Atua, ma kua fakaalia tona alofa fakahao mo koutou.

Loma 15:16

ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

Loma 3:3

Kae e vēhea kāfai e i ei ni tino o ki lātou e hē fakamāoni? Ko tona uiga ko te Atua foki la ka hē fakamāoni?

Loma 4:16

Ma ko te folafolaga la na fakavae i te fakatuatua, kae ke fakamautū ai te folafolaga, ko he meaalofa fōki fua e a te Atua ki lāpuna uma o Apelaamo — e hē nā mo ki lātou e uhitaki ki te Tūlāfono, kae vēnā foki ki lātou e talitonu e vē ko Apelaamo. Auā ko Apelaamo, ko te tamana fakateagaga ia o ki tātou uma lele;

1 Kolinito 1:12

Ko te uiga o taku lea atu: Ko koutou tau tokatahi, e kehekehe nā mea e tautatala ai koutou. E lea tētahi, “Ko au e mulimuli ki a Paulo”; ko tētahi, “Ko au e mulimuli ki a Apolo”; ko tētahi, “Ko au e mulimuli ki a Kepa”; ma tētahi, “Ko au e mulimuli ki a Keliho.”

1 Kolinito 10:19

Ko te uiga nei la o taku lea atu, ko he tupua pe ko nā meakai e ofo atu ki ei, e i ei he uiga?

1 Kolinito 10:29

ko te uiga o taku lea atu, e hē ko tō lotofuatia, kae ko te lotofuatia o tētahi tino. E ono fehili vē he tino, “He ā la te ka fua tauanoa ai te haolotoga ia te au ke fai ai ho he mea, ki te lotofuatia o hētahi tino?

1 Kolinito 15:50

Ko te uiga o taku lea atu, te kau uho, ko te mea e gaohia i te kanofi ma te toto, e hēai hona inati i loto o te Mālō o te Atua, ma ko te mea e fano e pala, e hē mafai ke hē pala.

2 Kolinito 1:20

auā ko ia ko te “Io” ki folafolaga uma a te Atua. Ko te mea ia e kui atu ai ia Iehu Keliho te tātou “Amene” mo te vīkiga o te Atua.

Efeho 2:12

I te taimi tēnā, ko hēki koutou iloa ai ia Keliho, ma nae hē taua koutou i loto o te faigāmālō o tagata o Ihalaelu, ma hē aofia i loto o nā feagaiga na folafola e te Atua ki a te ki lātou. Ko koutou nae ola i te lalolagi tēnei e aunoa ma he fakamoemoe ma aunoa ma te Atua.