Loma 15:33 - Tokelauan New Testament

³³ Ke fakatahi te Atua, te puna o te fīlēmū, ma koutou uma lele. Amene.

Loma 15:33 ပူးပေါင်းရင်းမြစ်များ

Mataio 1:23

“Ka to he taupou ma fānau mai e ia he tama, ka fakaigoa e ki lātou ki a Emanuelu” (ko tona uiga “Ko te Atua e fakatahi ma ki tātou”).

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

Loma 16:20

Ma ko te Atua, te puna o te fīlēmū, ka tuki pala e ia ia Hātani i lalo o outou vae, i he taimi pili mai. Ke ia te koutou te alofa tūnoa o to tātou Aliki ko Iehu.

Loma 16:23

E momoli atu ia alofaaga o Kaio, e o ia te fale e nofo ai au ma fai ai nā lotu; e vēnā foki ia alofaaga o Elahito, te teutupe o te kakai, ma te tātou uho ki a Kuata.

1 Kolinito 14:33

auā e hē fofou te Atua ko ki tātou ke i he tūlaga fakahētonu, kae ke maua i te fealofani ma te fīlēmū. E vē ko te tūlaga e i ei nā Ekalehia uma a tagata o te Atua,

2 Kolinito 13:11

Ma i te taimi nei la, ko au e fakatōfā atu ki a te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.

Efeho 6:23

Ke maua e te kau uho Kelihiano uma te fīlēmū vēnā te alofa ma te fakatuatua mai te Atua te Tamana ma te Aliki ko Iehu Keliho.

Filipi 4:9

Fakatino nā mea na iloa ma maua e koutou mai ia te au, e hē gata i aku kupu kae vēnā foki aku gāluega. Ma ko te Atua e maua ai e ki tātou te fīlēmū, ka fakatahi ma koutou.

1 Tehalonia 5:23

Ke fakapaiagia kātoatoa koutou e te Atua e o ia te fīlēmū, ma tauhi ki outou tagata kātoatoa — i te itū ki te agaga, te loto, ma te tino — ke aunoa ma he hehē, kāfai e afio mai to tātou Aliki ko Iehu Keliho.

2 Tehalonia 3:16

Ke fōki atu e te Aliki o te fīlēmū ki a te koutou i taimi uma ma aho uma lava, te fīlēmū. Ke fakatahi pea lava te Aliki ma koutou.

2 Timoteo 4:22

Ke fakatahi te Aliki ma koutou. Ke ia te koutou uma te alofa tūnoa o te Atua.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.