Loma 15:25 - Tokelauan New Testament

²⁵ Kae i te taimi nei, ko au ka fano ki Ieluhalema ke fehoahoani ki tagata o te Atua e nonofo i kinā.

Loma 15:25 ပူးပေါင်းရင်းမြစ်များ

Gāluega 18:21

Ka kua lea vēnei atu ki ei i te taimi ka fano kehe ai, “Kāfai ko te finagalo ia o te Atua, e toe foki mai lava au ki a te koutou.” Oi folau kehe ai loa mai Efeho.

Gāluega 19:21

Kua uma atu nā mea iēnei, oi tonu ai i te māfaufau o Paulo ko ia ka malaga kui atu i Maketonia ma Akaia, ma fakaauau ai ki Ieluhalema. Na vēia tana kupu, “Kāfai e uma toku āhiāhi ki Ieluhalema, e tatau foki au ke āhiāhi ki Loma.”

Gāluega 20:16

Na fai ai te tonu e Paulo ke fakaauau pea te folauga ke teka ia Efeho, kae ke nahe fakafanoa ho mātou taimi i te itūmālō o Ahia. Nae ta fakavave lele ke pa ia ki Ieluhalema i te aho o te Penitekoho, pe kāfai e mafai.

Gāluega 20:22

Ma i te taimi nei, ko au ka fano ki Ieluhalema e vē ona fakatonugia ai au e te Agaga Paia, e aunoa ma te kō iloa pe ko he ā te ka tupu ki a te au i kinā.

Gāluega 24:17

“Ina kua teka ni nai tauhaga talu toku fano kehe ma Ieluhalema, oi toe fano ai au ki ei oi kave ni tupe ki oku tagata Iutaia, ma ke ofo ake ni tāulaga.

Gāluega 9:13

Kua tali atu ia Anania, “Te Aliki, e tokalahi nā tino kua lea mai ki a te au e uiga ki te tagata tēnei ma ana fakahāuāga ki ō tagata i Ieluhalema.

Loma 12:13

Kave he vāega o autou mea ke ola ai outou uho Kelihiano mātitiva, ma talia i loto o outou fale nā tino kehe.

1 Kolinito 16:4

Kāfai e i ei he kikilaga ko au e tatau ke fano, oi kua olo fakatahi ai ki mātou.

2 Kolinito 8:4

na fakatagi mai ai ma te loto naunau, mo he avanoa ke mafai ai ki lātou ke fehoahoani ki tagata o te Atua i Iutea.

2 Kolinito 8:6

Ko te mea ia kua fakamālohi ai ki mātou ki a Tito, ona na ia kamatagia te gāluega tēnei, ke fakaauau pea ma ke fehoahoani atu ki a te koutou ke fakauma te gāluega lelei na ia kamatagia.

Kalatia 2:10

Oioti lava te mea na lea mai ai, ke manatua ake pea nā tino mātitiva i te lātou vāega, ma ko te mea foki lava tēnei nae fofou au ke kō faia.

Epelu 6:10

Ko te Atua e fai meatonu. E hē mafai ke puli ia te ia autou gāluega nae fai, pe ko te koutou alolofa ki a te ia e ala i te koutou fehoahoani ki iētahi uho Kelihiano ke pa mai lava ki te taimi nei.