Loma 15:16 - Tokelauan New Testament

¹⁶ ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

Loma 15:16 ပူးပေါင်းရင်းမြစ်များ

Gāluega 13:2

Ka koi tāpuaki atu ki lātou ki te Aliki ma fakalāina, kae vāgana vē atu ki ei te Agaga Paia, “Tofi mai ma āku ia Panapa ma Haulo, ke fai te gāluega kua kō filifilia mo ki lāua.”

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Gāluega 20:32

“Ma i te taimi nei, e kō tuku atua koutou ki lima o te Atua, ma ki te fekau e uiga ki tona alofa tūnoa, e mafai ai ke tuputupu pea te koutou ola fakateagaga ma maua ai e koutou nā fakamanuiaga a te Atua mo ona tagata uma.

Gāluega 22:21

Oi vāgana mai ai te Aliki ki a te au, ‘Fano loa, auā ko koe ka uga kehe e au ke fano ki he mea mamao ki nā tino nukukehe.’ ”

Gāluega 9:15

Oi vāgana atu ai te Aliki ki ei, “Fano, auā kua kō filifilia te tagata tēnā ke kaukauna mai ki a te au, ma ke ia fakailoa atua toku igoa ki tagata nukukehe ma tupu, ma ki tagata Ihalaelu.

Loma 1:1

Mai ia Paulo, he kaukauna e a Keliho Iehu, ma ko he apohitolo na kalagagia ma filifilia e te Atua, ke tālakia tana Tala Lelei.

Loma 11:13

Ko au e tautala atu i te taimi nei ki a te koutou tagata nukukehe. Ona ko au ko he apohitolo ki tagata nukukehe, ko au e fāfia lahi i taku gāluega,

Loma 15:18

Ko au ka hē popoi lele ma ka tautala oioti lava ki nā mea kua fai e Keliho kui mai ia te au, ke takitaki ai ia tagata nukukehe ke uhitaki ki te Atua. Kua fai e ia te mea tēnei e ala i nā kupu ma nā gāluega fakatino,

Loma 15:19

i te mana o nā vāvega ma nā mea ofoofogia, ma i te mana o te Agaga o te Atua. Ma kua uma te tālaki e au te Tala Lelei ki a Keliho, e kāmata mai i Ieluhalema ke pa ki Ilulikou.

Loma 15:20

Ko te mea e naunau au ki ei, ke tālaki atu te Tala Lelei ki nā koga ko hēki lagona ai te igoa o Keliho, kae ke nahe ati ake ai e au ki luga o he fakavae na kāmata e hētahi tino.

Loma 15:29

Ma kāfai au e pa atu, e mautinoa e au ko au e fanatu ma te kātoaga o nā fakamanuiaga mai ia Keliho.

Loma 5:5

Ko te fakamoemoe tēnei e hē fakanoanoa ai ki tātou, auā kua liligi mai e te Atua tona alofa ki o tātou loto e ala i te Agaga Paia, te meaalofa a te Atua ki a te ki tātou.

1 Kolinito 3:5

Kae ko ai nei ia Apolo? Ko ai foki ia Paulo? Ko ki mātou kua nā ni kaukauna na fakaaogā ke auala mai ai te koutou talitonu. Ko ki mātou e gālulue i nā gāluega na tōfia ai ki mātou tau tokatahi e te Aliki:

1 Kolinito 4:1

E tatau ke ia te koutou te manatu ko ki mātou ni kaukauna e a Keliho, ni tino kua tōfia ke kikilāgia nā meamoni lilo a te Atua.

1 Kolinito 6:19

E hē koutou iloa ko outou tino ko te mālumalu ia o te Agaga Paia, e nofo i loto ia te koutou, ma na fōki atu e te Atua ki a te koutou? Ko koutou e hē a koutou kae e a te Atua;

2 Kolinito 11:23

Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.

2 Kolinito 5:20

Ko ki mātou la na uga mai ke tautatala mo Keliho, ma ko te Atua e fakatagi atu ko koutou ke fakalogo ki ta mātou fekau. Ko ki mātou e tautatala i te igoa o Keliho ma aioi atu i te agaga moni, ke fakalelei ko te koutou va ma te Atua.

2 Kolinito 8:5

Kua lahi atu lele tēnei i lo te mea nae fakamoemoe ki mātou ki ei. Na muamua oi ofo atu o lātou tagata ki te Aliki; ma ofo mai ai ki a te ki mātou, e vē lava ko te finagalo o te Atua.

Kalatia 3:5

E fōki atu nei e te Atua tona Agaga ki a te koutou ma fai e ia nā vāvega ona ko koutou e uhitaki ki te mea e lea mai ai te Tūlāfono, pe ona kua fakalogo koutou ki te Tala Lelei ma talitonu ki ei?

Efeho 2:18

Ona ko Keliho kua mafai ai ki tātou uma lele, ia tagata Iutaia ma tagata nukukehe, ke oatu i te Agaga e fokotahi ki mua o te Tamana.

Efeho 2:22

I te māfutaga ma Keliho, ko koutou foki la kua fau ake fakatahi ma iētahi tino uma ke kavea ma mea e nofo ai te Atua e ala i tona Agaga.

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Filipi 2:17

E tuha lava pe kāfai ka fakamaligi toku toto e vē he tāulaga e ofo atu ki te Atua i luga o te fata faitāulaga e tuha ai ma te talitonuga o koutou, ko au e fiafia ma olioli fakatahi ma koutou uma.

Filipi 4:18

Kua maua e au te totogi kātoatoa, ma e hili atu foki ki luga — ma kua hēai lele hētahi mea e kō manakomia, talu te hau o Epafolotito ma nā meaalofa mai ia te koutou. Ko autou meaalofa e vē ni tāulaga mea manogi e ofo atu ki te Atua, ma e talia ma fiafia ia ki ei.

1 Tehalonia 2:2

E iloa e koutou ko ki mātou na pagātia ma fakamahiahi e nā tino i Filipi ka ko hēki āhiāhi atu ai ki mātou ki a te koutou i kinā i Tehalonika. Ma e ui nae tokalahi e teteke mai, kae na fōki mai e te Atua te loto mākeke ke mafai ai e ki mātou oi fakailoa atu ki a te koutou te Tala Lelei mai ia te ia.

1 Tehalonia 2:9

Te kau uho, e manatua lelei lava e koutou nā gāluega fītā nae fai e ki mātou. Nae gālulue ki mātou i te ao ma te pō, kae ke nahe kavea ki mātou ma kavega ki a te koutou, i te taimi nae folafola atu ai e ki mātou te Tala Lelei mai te Atua, ki a te koutou.

1 Tehalonia 5:23

Ke fakapaiagia kātoatoa koutou e te Atua e o ia te fīlēmū, ma tauhi ki outou tagata kātoatoa — i te itū ki te agaga, te loto, ma te tino — ke aunoa ma he hehē, kāfai e afio mai to tātou Aliki ko Iehu Keliho.

1 Timoteo 1:11

e tuha ai ma te tala lelei gali a te Atua tē e viviki ki ei ia tagata, kua tuku mai ke folafola e au.

1 Timoteo 2:7

Ko te mea ia na tōfia ai au ma apohitolo vēnā ma faiakoga mo tagata nukukehe, ke kō folafola atua te akoakoga moni e uiga ki a Iehu. Ko au e hē pepelo; ko au e lea atu i te meamoni!

2 Timoteo 1:11

Kua tōfia au e te Atua ke tālaki te Tala Lelei ma ke kavea ma apohitolo vēnā foki ma faiakoga,

Epelu 13:16

Tautuanā e fai e koutou ni gāluega lelei ma fehoahoani tētahi ki tētahi, auā ko iēnā nā tāulaga e fiafia ki ei te Atua.

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.

1 Petelu 2:5

Ōmamai ko koutou foki ni fatu e ola pea lava, ke fakaaogā koutou i te fauga o te mālumalu fakateagaga, te mea ka tautua ai koutou e vē ni ohitāulaga paia, ke ofo atu nā tāulaga e fiafia ki ei te Atua e ala ia Iehu Keliho.