Loma 15:1 - Tokelauan New Testament

¹ Ko ki tātou iēia e mālolohi i to tātou fakatuatua, e tatau ke onohai i nā mea e hē kātoatoa ai nā tino vāivai. Nahe kavea ma mea ke fiafia ai ki tātou.

Loma 15:1 ပူးပေါင်းရင်းမြစ်များ

Loma 14:1

Talia e koutou nā tino e vāivai i te fakatuatua, kae nahe koutou faitio ki o lātou talitonuga tau tokatahi.

Loma 14:2

Ko te talitonuga o iētahi tino e kakai ai ki ho he mea, kae ko nā tino e vāivai i te fakatuatua e kakai oioti ki nā fuālakau fatoaga.

Loma 4:20

E hēki teka kehe lele tona fakatuatua ma e hēki māhalohalo lele foki ki te folafolaga a te Atua; ko tona fakatuatua nae maua lahi ai e ia te mālohi, ma nae viviki ake ai ia ki te Atua.

1 Kolinito 4:10

Ona ko Keliho, e kavea ai ki mātou ma tagata vālelea; kae ko koutou e popoto i te māfutaga ma Keliho! Ko ki mātou e vāivai, kae ko koutou e mālolohi! Ko ki mātou e inohia, kae ko koutou e fakaaloalogia e tagata!

1 Kolinito 9:22

I te mea e i ei nā tino e vāivai to lātou fakatuatua, ko au foki e vāivai e vē ko ki lātou, kae ke kō maua ai ki lātou. Oi e fai la e au ho he mea e kō mafaia, kae ke mafai ai oi fakaola ni tino o ki lātou.

2 Kolinito 12:10

E kō taliagia la oku vāivaiga, nā kupu tau fakakino, nā fakafītāuli, nā fakahāuāga ma nā fakalavelave tutupu, ona ko Keliho. Auā kāfai au e vāivai, oi e mālohi ai au.

Efeho 6:10

Ko te toe mea e lea atu ai au, koutou ke fakamākekeke i te māfutaga a koutou ma te Aliki, e ala i tona mana hilihili kehe.

Filipi 2:4

Ma kikila ki nā mea e manuia fakatahi ai koutou, kae nahe kikila lava te tino mo ia lava.

1 Tehalonia 5:14

Ko ki mātou e ole atu ki a te koutou, te kau uho, ko koutou ke lapataki mālohi atu ki nā tino e nonofo tauanoa e hēai ni gāluega e faia, fakamākeke atu ki nā tino matamumuli, fehoahoani atu ki nā tino vāivai, ma ke lava te koutou onohai ki tagata tau tokatahi uma.

2 Timoteo 2:1

Ko koe la toku ataliki, ke fakamākeke e ala i te alofa tūnoa kua maua e ki tātou i te māfutaga ma Keliho Iehu,

1 Ioane 2:14

Ko au e tuhi atu ki a te koutou taku fānau, auā e iloa e koutou te Tamana. Ko au e tuhi atu ki a te koutou nā tamana, auā e iloa e koutou tē nae i ei mai lava i te kāmataga. Ko au e tuhi atu ki a te koutou te tupulaga, auā ko koutou e mākekeke; ko te kupu a te Atua e ola i loto ia te koutou, ma kua fakatōkilalo e koutou te Tino Kino.