Loma 14:9 - Tokelauan New Testament

⁹ Auā ko Keliho na oti ma toe ola mai, kae ke kavea ai ia ma Aliki mo tagata ola, vēnā ma tagata oti.

Loma 14:9 ပူးပေါင်းရင်းမြစ်များ

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Luka 24:26

E hē tatau nei te Mehia ke maua muamua i nā puapuagā iēnei, kae ke ulufale atu ai ia ki tona mamalu?”

Ioane 12:24

E takutino atu e au ki a te koutou te meamoni: ko te fuāhaito e fokotahi e tūmau lava ma fuāhaito e fokotahi, vaganā e pakū ki te kelekele ma mate. Kāfai e mate, oi ka lahi nā fua e maua mai ai.

Gāluega 10:36

Kua koutou iloa te fekau na ia kaumaia ki tagata o Ihalaelu, na folafola ai te Tala Lelei o te fīlēmū e ala ia Iehu Keliho, te Aliki o tagata uma.

Gāluega 10:42

Ma na fakatonu mai ki mātou e Iehu ke tālaki te Tala Lelei ki tagata, ma ke molimau ko ia te kua tōfia e te Atua ke fai ma fakamahino o nā tino koi ola, vēnā ma ki lātou kua feoti.

Loma 10:9

Kāfai e takutino e koutou i mua o tagata ko Iehu ko te Aliki ma talitonu koutou na fakatū e te Atua mai te oti, ko koutou ka fakaolagia.

2 Kolinito 5:14

Ko ki mātou e pūlea e te alofa o Keliho, ona kua mautinoa e ki mātou, kāfai na oti he tokatahi mo tagata uma, ko ki tātou uma foki la na oti.

1 Tehalonia 4:14

Ko ki mātou e talitonu ko Iehu na oti oi toe tū mai ai, oi ko ki mātou la e talitonu ka toe kave lava e te Atua ma Iehu, nā tino na oti kae talitonu ki a te ia.

1 Tehalonia 5:10

tē na mate mo ki tātou, kae ke nonofo fakatahi ai ki tātou ma ia, e tuha lava pe koi ola pe kua oti ki tātou, i te taimi e hau ai.

2 Timoteo 4:1

I mua o te Atua ma i mua o Keliho Iehu, tē ka haele mai ko ia ko te Tupu ma ka ia fakamahinoagia nā tino ola ma nā tino oti, ko au e aioi atu ki a te koe

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.

1 Petelu 4:5

Kae ka tali atu ki lātou ki te Atua mo a lātou mea uma na fai. Kua hāuni te Atua ke fakamahino ia tagata ola vēnā tagata kua feoti.

Fakaaliga 1:18

Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.

Fakaaliga 2:8

“Tuhi vēnei ki te agelu o te Ekalehia i Himuna: “Ko te fekau tēnei mai tē e takua ko te muamua ma te mulimuli, na mate kae na toe ola mai.