Loma 14:3 - Tokelauan New Testament

³ Nahe faitio te tino e kai ki ho he mea ki te tino e kai oioti ki nā fuālakau fatoaga; nahe fakamahino foki te tino e kai oioti ki nā fuālakau fatoaga ki te tino e kai ki ho he mea; auā kua talia e te Atua te tino tēnā.

Loma 14:3 ပူးပေါင်းရင်းမြစ်များ

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Mataio 9:14

Oi ōmamai ai nā hoko o Ioane te Papatiho ki a Iehu, kua fehili vē atu ki ei, “He ā te fakalāina ho ai ki mātou ma te kau Falehaio, kae ko nā hoko o koe e hē fakalāina lele?”

Luka 18:9

Na fai foki e Iehu te talafakatuha tēnei ki ni tino nae talitonu ko ki lātou ni tino āmiotonu, ma nae inoino lele ki iētahi tino.

Gāluega 10:34

Ma na kāmata ai oi tautala vēnei atu ia Petelu: “Kua mautinoa e au i te taimi nei ko te Atua e hē fakapito ki he tino.

Gāluega 10:44

Ka koi tautala ia Petelu, kae fanaifo te Agaga Paia ki luga o ki lātou uma nae fakalogologo ki te fekau.

Gāluega 28:2

Na alofagia ki mātou e tagata o te fenua. Na kāmata oi ua ma mālūlū, oi tafu ai e ki lātou he afi ma tali lelei ki mātou.

Loma 11:15

Auā kāfai ko te tetekega o ki lātou e te Atua kua fai ma mea e liliu ai te lalolagi ki te Atua, e vēhea nei la kāfai e toe taliagia ki lātou e te Atua? Ka vē lava ki lātou ni tino oti kua toe ola.

Loma 14:1

Talia e koutou nā tino e vāivai i te fakatuatua, kae nahe koutou faitio ki o lātou talitonuga tau tokatahi.

Loma 14:10

Ko koutou la iēnā e kakai oioti ki nā fuālakau fatoaga — he ā te fakamahino atu ai koutou ki iētahi tino Kelihiano? Ma ko koutou iēnā e kakai ki ho he mea — he ā te faitio tauanoa ai koutou ki iētahi uho Kelihiano? Ko ki tātou uma lele ka tutū i mua o te Atua ke fakamahino e ia.

Loma 14:13

Ko te mea ia, keina fakauma loa te fakamahino atu o tētahi ki tētahi. Kae e tatau ke tonu loa i tō māfaufau ke nahe toe faia lele e koe he mea ke tau tevateva ai ho uho ia Keliho, pe pakū ai foki ki te agahala.

Loma 14:15

Kāfai e i ei ni uho Kelihiano e āfāina ona ko nā meakai e kai ai koe, ko tona uiga kua hē fakavaea nā mea a koe e fai i luga o te alofa. Nahe kavea nā mea e kai koe ki ei, ma mea e āfāina lele ai he tino na maliu ia Keliho mo ia!

Loma 14:21

E hako te hē kakai ki nā kanofi o nā manuvaefa, te hē inu ki te uaina, pe ko te fai o he mea e tau tevateva ai ho uho ia Keliho.

Loma 15:7

Talia la e tētahi tētahi, ke maua ai he vīkiga mo te Atua, e vē ona talia koutou e Keliho.