Loma 14:22 - Tokelauan New Testament

²² Ko nā mea kua talia e koe e uiga ki te mea tēnei, ko he mea lava i te va o koe ma te Atua. Amutia nā tino e hēai lele he fakaatu kāfai e fai e ki lātou nā mea e ki lātou iloa e hako!

Loma 14:22 ပူးပေါင်းရင်းမြစ်များ

Gāluega 24:16

Ma ko au la e taumafai i taimi uma ki te mea e gata mai ai toku mafai, ke mamā toku lotofuatia i mua o te Atua ma tagata.

Loma 14:14

Ko te māfutaga a āku ma te Aliki ko Iehu, kua kō mautinoa ai e hēai he meakai e hē mamā i nā tūlaga tau tāpuakiga; kae kāfai koe e talitonu e i ei ni meakai e hē mamā, ka hē mamā lava la mo koe.

Loma 14:2

Ko te talitonuga o iētahi tino e kakai ai ki ho he mea, kae ko nā tino e vāivai i te fakatuatua e kakai oioti ki nā fuālakau fatoaga.

Loma 14:23

Kae kāfai e i ei ho lātou loto māhalohalo ki a lātou mea e kai, ka taku halagia ki lātou e te Atua kāfai e kakai ki ei, auā ko a lātou mea e fai e hē fakavaegia i luga o te fakatuatua. Ma ko ho he mea e hē fakavaea i te fakatuatua ko he agahala tēnā.

Loma 14:5

Ko iētahi tino e manatu e i ei he aho e tāua atu i lo iētahi aho, ka ko iētahi e manatu e tutuha uma lava nā aho. E tatau koutou tau tokatahi, ke mautū outou tāofi ki nā mea kua talitonu koutou ki ei.

Loma 2:1

E fakamahino atu nei koe ki iētahi tino? Te uho, e tuha lava pe ko ai koe, e hēai lele he mea e tatau ai ke fai e koe he mea vēnā. Auā kāfai e fakamahino atu koe ki iētahi tino, kae toe fai foki lava e koe nā mea e ki lātou faia, ko tona uiga kua fakahalagia ia koe e koe lava.

Loma 7:15

Ko au e hē mālamalama i aku mea e fai; auā e hē kō faia nā mea e fofou au ki ei, kae e fai e au nā mea e inoino au ki ei.

Loma 7:24

Ko au la te fakanoanoa lahi. Ko ai nei te ka ia laveakia au mai te natula fakatetagata e iku ai au ki te oti?

1 Kolinito 8:7

Kae e hē ko tagata uma te ki lātou iloa te meamoni tēnei. Ko iētahi tino na ola ake lava ma te talitonuga ko nā tupua ni mea e i ei ni ola ma ke pa mai lava nei, kāfai e kakai ki nā meakai vēnei e manatu lava ko nā meakai e mo he tupua; e vāivai to lātou lotofuatia, ma e manatu ko ki lātou e hē mamā i nā meakai.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

Kalatia 6:1

Te kau uho, kāfai he tino e ia faia ho he itūkāigā āmio kino, e tatau koutou iēnā kua takitakia e te Agaga, ke fakatonu ki a te ia i te agaga maualalo. Ma ko koutou foki ke mataala, nā meake ka fakaohoohogia ai foki koutou.

Iakopo 3:13

Ko ai te tino o koutou e poto ma mālamalama? E tatau ke ia fakamāoniagia e ala i tona ōlaga lelei, ma ana gāluega lelei e fai i te loto maulalo ma te poto.

1 Ioane 3:21

Te kau uho pele, kāfai e lagona e o tātou loto te toka lelei i mua o te Atua, ka maua e ki tātou te loto mākeke ke fakatafapili ai ki a te ia.