Loma 14:2 - Tokelauan New Testament

² Ko te talitonuga o iētahi tino e kakai ai ki ho he mea, kae ko nā tino e vāivai i te fakatuatua e kakai oioti ki nā fuālakau fatoaga.

Loma 14:2 ပူးပေါင်းရင်းမြစ်များ

Loma 14:1

Talia e koutou nā tino e vāivai i te fakatuatua, kae nahe koutou faitio ki o lātou talitonuga tau tokatahi.

Loma 14:14

Ko te māfutaga a āku ma te Aliki ko Iehu, kua kō mautinoa ai e hēai he meakai e hē mamā i nā tūlaga tau tāpuakiga; kae kāfai koe e talitonu e i ei ni meakai e hē mamā, ka hē mamā lava la mo koe.

Loma 14:20

Nahe fakahēaogāgia e koutou nā mea na fai e te Atua, ona ko nā meakai. Ko nā meakai uma lele e lelei ke kai, kae e hehē te kai ki he mea kāfai ka kavea tēnā ma mea e pakū ai hētahi tino ki te agahala.

Loma 15:1

Ko ki tātou iēia e mālolohi i to tātou fakatuatua, e tatau ke onohai i nā mea e hē kātoatoa ai nā tino vāivai. Nahe kavea ma mea ke fiafia ai ki tātou.

1 Kolinito 10:25

E taga te kakai o koutou ki ho he mea mai te māketi e fakatau ai nā kanofi manu, e aunoa ma he fakafehili ona ko outou lotofuatia.

1 Kolinito 8:9

Kae tau lava koutou ke fakaeteete, ke nahe kaveagia te haolotoga o koutou i nā mea iēnei, ma ala e pakukū ai ki te agahala ki lātou e vāivai i te fakatuatua.

1 Kolinito 9:22

I te mea e i ei nā tino e vāivai to lātou fakatuatua, ko au foki e vāivai e vē ko ki lātou, kae ke kō maua ai ki lātou. Oi e fai la e au ho he mea e kō mafaia, kae ke mafai ai oi fakaola ni tino o ki lātou.

Kalatia 2:12

Ka ko hēki taunuku mai ki kinei nā tamāloa na uga mai e Iakopo, ko Petelu nae kakai fakatahi lava ma nā tino nukukehe. Kae talu lava te taunuku mai o nā tamāloa, e hēki toe kakai fakatahi ia Petelu ma nā tino nukukehe, auā nae mataku i nā tino nae fofou ke pelitome nā tino nukukehe kua talitonu.

1 Timoteo 4:4

Ko nā mea uma lele na gaohia e te Atua e lelei; e hēai he mea e tiakia, kae ko nā mea uma lele e tatau ke talia ma he tatalo o te fakafetai,

Tito 1:15

E mamā lava nā mea uma ki a te ki lātou e loto mamā; kae e hēai he mea e mamā ia te ki lātou e kino ma hē talitonu, auā ko o lātou māfaufau ma o lātou lotofuatia kua hē mamā.

Epelu 13:9

Ia koutou nahe takitaki kehea mai te auala moni ona ko te mau akoakoga kehekehe. E lelei te maua o te loto mākeke mai te alofa tūnoa o te Atua, kae hē mai te uhitaki ki nā tūlāfono e uiga ki nā meakai; ko nā tino e uhitaki ki nā tūlāfono iēnei e hēki ki lātou mauagia he fehoahoani ona ko to lātou uhitaki ki ei.

Epelu 9:10

ona ko nā mea iēnei ni mea tau meakai, meainu, ma nā faiga kehekehe e mafai ai ia tagata ke fakamamāgia. Ko nā mea uma iēnei ni tūlāfono mo te kikila atu i fafo, e fakaaogā oioti ke pa ki te taimi e hui ai e te Atua i ni mea fou e hili atu te lelei.