Loma 14:18 - Tokelauan New Testament

¹⁸ Ma kāfai koe e tautua ki a Keliho i te auala tēnei, ka fiafia ai te Atua ma fakaaloalo atu ia tagata ki a te koe.

Loma 14:18 ပူးပေါင်းရင်းမြစ်များ

Maleko 13:34

Ka fakatuhagia ki he tamāloa e tukua tona fale mo hana malaga, ma tuku ana mea ke kikila e ana kaukauna; ka kua uma ai te ia fakatonua ia gāluega tau tokatahi a ana kaukauna e fai, ma fakatonu te leoleo faitotoka ke taukikila fakalelei.

Ioane 12:26

Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Gāluega 10:35

Ko nā tino e tāpuaki ki te Atua ma ki lātou faia te mea tonu, e talia ki lātou e ia, e tuha lava pe ko fea te mālō e ōmamai ai.

Loma 12:11

Koutou nahe fakavāivai lele, kae ke mumū koutou e vē he mōlī i te Agaga, ma tautua ki te Aliki ma te loto kātoa.

Loma 14:4

Ko ai nei koe ke fakamahino ai e koe nā kaukauna a hētahi tino? Nā ko te lātou Matai lava oioti te ia faia te tonu pe hako a lātou mea e fai pe hēai, ma ka fehoahoani te Aliki ki a te ki lātou ke mautinoa ko a lātou mea e fai e hako.

Loma 16:18

Auā ko nā tino e faia nā mea iēnā, e hē gālulue mo Keliho to tātou Aliki, kae mo ki lātou lava. Ko a lātou kupu gali ma fakafāfia tino, e fakahehē ai nā loto o nā tino e hē lava to lātou iloa.

Loma 6:22

Kae i te taimi nei, ko koutou kua fakahaoloto mai te agahala, ma kua kavea ma pologa a te Atua. Ko te mea a koutou kua maua, ko he ōlaga tautua fakamāoni ki te Atua, ma ko te ikuga, ko te ola e fakavavau.

1 Kolinito 7:22

Auā ko he pologa na kalagagia e te Aliki, ko he tino tēnā e haoloto i te Aliki; e vēnā foki la he tino e haoloto na kalagagia e te Aliki, e kavea ia ma pologa a Keliho.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

2 Kolinito 5:11

Kua iloa e ki mātou te mea e takua ko te mataku i te Aliki, ma ko te mea ia e fakamālohi atu ai ki mātou ki iētahi tino. Kua iloa lelei e te Atua ki mātou, ma e fakamoemoe ka vēnā foki oi iloa au e koutou i outou loto.

2 Kolinito 5:9

Kae e tuha lava pe ko ki mātou e i ei fakatahi ma te Aliki, pe nonofo kehe ma ia, e fakahilihili lava to mātou naunau, ke fai e ki mātou te mea e fiafia ia ki ei.

2 Kolinito 6:4

Kae ko nā mea uma e ki mātou faia, e kitea ai ko ki mātou ni kaukauna e a te Atua. Ko ki mātou e onohai pea lava, e ui lava e maua ki mātou i te lahi o puapuagā, fakafītāuli ma lavelave.

2 Kolinito 8:21

Ko te mea e fofou ki mātou ki ei, ke fai te mea e hako, e hē gata i te hilafaga a te Aliki, kae vēnā foki i te kikila a tagata.

Filipi 4:18

Kua maua e au te totogi kātoatoa, ma e hili atu foki ki luga — ma kua hēai lele hētahi mea e kō manakomia, talu te hau o Epafolotito ma nā meaalofa mai ia te koutou. Ko autou meaalofa e vē ni tāulaga mea manogi e ofo atu ki te Atua, ma e talia ma fiafia ia ki ei.

Filipi 4:8

Ko aku toe kupu te kau uho, ni a lava ni mea e lelei ma maua ai he vīkiga, ni mea e moni, ni mea e mamalu, ni mea e tonu, ni mea e mamā, ni mea e gali, ni mea e lelei kātoatoa, koutou ke māfaufau pea lava ki ei.

Kolohe 3:24

Ke manatua e koutou, ka fōki atu e te Aliki ke fai ma outou taui, te mea kua ia teuagia mo tana fānau. Auā ko Keliho, ko te Matai ia e kaukauna koutou ki ei.

1 Timoteo 2:3

Ko te mea tēnei e lelei ma e tonu i te kikila te Atua to tātou Fakaola,

1 Timoteo 5:4

Kae kāfai he fafine kua oti tana tāne kae e i ei hana fānau pe ni ona mokupuna, e tatau ke fakatino muamua e ki lātou o lātou tiute faka-Kelihiano ki o lātou lava kāiga. I te faiga tēnei, ka toe totogi ai e ki lātou o lātou mātua ma o lātou tupuna, auā ko te mea ia e fofou ki ei te Atua.

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.

1 Petelu 2:20

Auā he ā te aogā kāfai koutou e onohai i te kini e tatau mo koutou ona ko nā mea hehē a koutou nae fai? Kae kāfai koutou e onohai i nā puapuagā e tuha lava pe nae koutou faia nā mea e lelei, ka koutou mauagia te fakamanuiaga mai te Atua ona ko te mea tēnā.

1 Petelu 2:5

Ōmamai ko koutou foki ni fatu e ola pea lava, ke fakaaogā koutou i te fauga o te mālumalu fakateagaga, te mea ka tautua ai koutou e vē ni ohitāulaga paia, ke ofo atu nā tāulaga e fiafia ki ei te Atua e ala ia Iehu Keliho.

1 Petelu 3:16

Tali atu ki ei ma te āva ma te fakaaloalo ma te lotofuatia e mamā. I te faiga tēnā, ka lagona ai te māhiahi e nā tino e faia nā tala ke fakakino ai nā uiga lelei o koutou nā tino kua mulimuli ki a Keliho.