Loma 14:13 - Tokelauan New Testament

¹³ Ko te mea ia, keina fakauma loa te fakamahino atu o tētahi ki tētahi. Kae e tatau ke tonu loa i tō māfaufau ke nahe toe faia lele e koe he mea ke tau tevateva ai ho uho ia Keliho, pe pakū ai foki ki te agahala.

Loma 14:13 ပူးပေါင်းရင်းမြစ်များ

Mataio 16:23

Kae kua māfuli atu ia Iehu ki ona tua ma lea vē atu ki a Petelu, “Hātani, fano kehe koe ma au! Ko koe kua fai ma fakalavelave ki a te au, auā ko ō manatu e hē mai te Atua, kae ni manatu fakatetagata.”

Mataio 18:7

Hāloa te lalolagi ona e i ei nā mea e tutupu ke fakaohooho ai ia tagata ki te agahala! Ko nā mea iēnei e tatau lava ke tutupu — kae hāloa la te tino e māfua ai iēnei mea!

Mataio 7:1

“Nahe koutou fakamahino atu ki iētahi tino kae ke hē fakamahinoa ai koutou e te Atua,

Luka 12:57

“He ā te hē fuafua ai lava e koutou te mea e hako ma tatau ke koutou faia?

Luka 17:2

E hili atu mo te tino tēnā pe kāfai e nonoa he fatupae lahi lele ki tona ua ma togi ai ki te tai, i lo te fai e ia o he mea ke uma ai te fakatuatua mai ki a te au, o hētahi o ki lātou iēnei e tamaiti.

Loma 11:9

Ma e lea mai ia Tavita, “Ke kavea a lātou faigākai ma māilei ke haihaitia ai ki lātou; ke hīhīga ai ki lātou, ma ke fakahalagia ai!

Loma 14:10

Ko koutou la iēnā e kakai oioti ki nā fuālakau fatoaga — he ā te fakamahino atu ai koutou ki iētahi tino Kelihiano? Ma ko koutou iēnā e kakai ki ho he mea — he ā te faitio tauanoa ai koutou ki iētahi uho Kelihiano? Ko ki tātou uma lele ka tutū i mua o te Atua ke fakamahino e ia.

Loma 14:3

Nahe faitio te tino e kai ki ho he mea ki te tino e kai oioti ki nā fuālakau fatoaga; nahe fakamahino foki te tino e kai oioti ki nā fuālakau fatoaga ki te tino e kai ki ho he mea; auā kua talia e te Atua te tino tēnā.

Loma 14:4

Ko ai nei koe ke fakamahino ai e koe nā kaukauna a hētahi tino? Nā ko te lātou Matai lava oioti te ia faia te tonu pe hako a lātou mea e fai pe hēai, ma ka fehoahoani te Aliki ki a te ki lātou ke mautinoa ko a lātou mea e fai e hako.

Loma 16:17

Ko au e fakatagi atu ki a te koutou, oku uho: koutou ke mataala ma tau mamao ma nā tino e fakatupua te fevaevaeaki, ma fai ma fakalavelave ki te fakatuatua o tagata ma teteke ki nā akoakoga kua uma te akoako ai o koutou. Koutou nā fakapipiki ki ei.

1 Kolinito 10:32

Nahe koutou faia he mea e tauhūai ai nā tino Iutaia pe ko tagata nukukehe pe ko te Ekalehia a te Atua.

1 Kolinito 11:13

Fuafua ake la e koutou; e tūlaga tatau ke tatalo he fafine ki te Atua i loto o he tāpuakiga kae hē tataoa tona ulu?

2 Kolinito 5:14

Ko ki mātou e pūlea e te alofa o Keliho, ona kua mautinoa e ki mātou, kāfai na oti he tokatahi mo tagata uma, ko ki tātou uma foki la na oti.

2 Kolinito 6:3

Ko ki mātou e hē fofou ke faitio he tino ki a mātou gāluega, oi e hē faitiogia foki la e ki mātou he gāluega a he tino.

Filipi 1:10

kae ke mafai ai e koutou oi filifili te mea e hili ona lelei. Ma ka mafai ai koutou ke mamā ma hē taku kinoagia i te Aho o Keliho.

1 Timoteo 5:14

Ko au la e fofou ko nā fafine tamaiti kua oti a lātou tāne, ke āvavaga ma fai ni a lātou fānau, ma kikila lelei o lātou kāiga, kae ke nahe i ei ai he avanoa ke fai mai ai ni tala fakakino e nā tino e fili ki a te ki tātou.

Iakopo 2:4

Kāfai e koutou faia te mea tēnā, ko tona uiga ko koutou kua fakailoga tino ma kua kavea koutou ma fakamahino kino.

Iakopo 4:11

Te kau uho, nahe faitio tētahi ki tētahi. Kāfai e faitio pe fakamahino e koe hētahi tino, kua faitio ma fakamahino e koe te Tūlāfono. Kāfai e fakamahino e koe te Tūlāfono, ko tona uiga ko koe ko he tino e hē i lalo o te Tūlāfono, kae ko he tino e fakamahino e ia.

1 Ioane 2:10

Ko te tino e alofa ki tona uho Kelihiano e ola i te mālamalama, ma e hē ia faia he mea ke pakū ai hētahi tino ki te agahala.

Fakaaliga 2:14

Kae e i ei ni nai mea e hē fiafia ai au ki a te koutou: E i ei nā tino o koutou e mulimuli ki nā akoakoga a Palaama, tēia na ia akoakoa ia Palaka i nā faiga ke takitaki ai ia tagata o Ihalaelu ki te agahala. Na fakaako e ia nā tino ke kakai ki nā meakai kua uma te fakatō mo nā tupua ta, ma fakamālohi te faiga o nā tuinanauga mātagā ki te tino.