Loma 14:1 - Tokelauan New Testament

¹ Talia e koutou nā tino e vāivai i te fakatuatua, kae nahe koutou faitio ki o lātou talitonuga tau tokatahi.

Loma 14:1 ပူးပေါင်းရင်းမြစ်များ

Mataio 12:20

Ka hē ia honafaia nā tino vāivai, pe fakahāuā kinā tino kua hēai he fakamoemoe. Ka ia faia pea lava te mea tēnei ke pa lava ki te taimi e talia ai e tagata uma te fakaolataga e kō tuku atua ki a te ki lātou,

Mataio 14:31

Na papae atu ai loa lava ia Iehu i te taimi tēnā oi tāofi mai te lima o Petelu ma lea vē atu ki ei, “Kai te taigole ātili lele o tō fakatuatua! He ā te na māhalohalo ai koe?”

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Maleko 7:19

auā e hē fano ki tona loto kae fano ki loto o tona manava oi fano ai ki fafo o te tino.” (I tana tautalaga tēnei, na fakailoa ai e Iehu ko nā meakai uma lele e lelei ke kakai ki ei.)

Luka 17:2

E hili atu mo te tino tēnā pe kāfai e nonoa he fatupae lahi lele ki tona ua ma togi ai ki te tai, i lo te fai e ia o he mea ke uma ai te fakatuatua mai ki a te au, o hētahi o ki lātou iēnei e tamaiti.

Ioane 13:20

E takutino atu e au ki a te koutou te meamoni: ko ai lava e talia e ia he tino e uga atu e au, kua ia talia foki au; ma ko ai lava e ia talia au, kua ia talia foki tē na ia uga maia au.”

Gāluega 28:2

Na alofagia ki mātou e tagata o te fenua. Na kāmata oi ua ma mālūlū, oi tafu ai e ki lātou he afi ma tali lelei ki mātou.

Loma 11:15

Auā kāfai ko te tetekega o ki lātou e te Atua kua fai ma mea e liliu ai te lalolagi ki te Atua, e vēhea nei la kāfai e toe taliagia ki lātou e te Atua? Ka vē lava ki lātou ni tino oti kua toe ola.

Loma 14:2

Ko te talitonuga o iētahi tino e kakai ai ki ho he mea, kae ko nā tino e vāivai i te fakatuatua e kakai oioti ki nā fuālakau fatoaga.

Loma 14:21

E hako te hē kakai ki nā kanofi o nā manuvaefa, te hē inu ki te uaina, pe ko te fai o he mea e tau tevateva ai ho uho ia Keliho.

Loma 14:3

Nahe faitio te tino e kai ki ho he mea ki te tino e kai oioti ki nā fuālakau fatoaga; nahe fakamahino foki te tino e kai oioti ki nā fuālakau fatoaga ki te tino e kai ki ho he mea; auā kua talia e te Atua te tino tēnā.

Loma 15:1

Ko ki tātou iēia e mālolohi i to tātou fakatuatua, e tatau ke onohai i nā mea e hē kātoatoa ai nā tino vāivai. Nahe kavea ma mea ke fiafia ai ki tātou.

Loma 15:7

Talia la e tētahi tētahi, ke maua ai he vīkiga mo te Atua, e vē ona talia koutou e Keliho.

Loma 4:19

Ko Apelaamo i te taimi tēnā, kua tāli kātoa tona helau tauhaga kae ko tona fakatuatua e hēki fakaitiitia lele kāfai e māfaufau ki tona tino kua hē mafaia he mea, pe ko te tūlaga i te hē fai tama o Hala.

1 Kolinito 9:22

I te mea e i ei nā tino e vāivai to lātou fakatuatua, ko au foki e vāivai e vē ko ki lātou, kae ke kō maua ai ki lātou. Oi e fai la e au ho he mea e kō mafaia, kae ke mafai ai oi fakaola ni tino o ki lātou.

Filipi 2:29

Ko te mea la ia, ke talia mai e koutou ma te fiafia te uho tēnei i te Aliki. Fakaaloalo ki nā tino e vē ko ia tēnei,

1 Tehalonia 5:14

Ko ki mātou e ole atu ki a te koutou, te kau uho, ko koutou ke lapataki mālohi atu ki nā tino e nonofo tauanoa e hēai ni gāluega e faia, fakamākeke atu ki nā tino matamumuli, fehoahoani atu ki nā tino vāivai, ma ke lava te koutou onohai ki tagata tau tokatahi uma.

Epelu 5:14

Kae ko nā meakai mamafa e mo nā tino kua mātutua, kua i ei te poto māhani ma ki lātou iloa ai oi fakavahega te mea e hako ma te mea e kino.

2 Ioane 1:10

Ko te mea ia, kāfai ni tino e oatu ki a te koutou kae hē ia te ki lātou te akoakoga tēnei, nahe koutou taliagia ki loto o outou fale; nahe koutou lea foki vē, “Ke ia te koutou te fīlēmū.”