Loma 13:8 - Tokelauan New Testament

⁸ Nahe i ei lele he tiute taukave o koutou ki he tino — oioti lava te koutou tiute, ko te alofa o tētahi ki tētahi. Ko te tino e fai e ia te mea tēnei, kua uhitaki ia ki te Tūlāfono.

Loma 13:8 ပူးပေါင်းရင်းမြစ်များ

Mataio 7:12

“Ko nā mea e fofou koutou ke fai e iētahi tino ki a te koutou, ke vēnā foki lava ona fai e koutou ki a te ki lātou; auā ko tēnei te uiga o te Tūlāfono a Mohe ma nā akoakoga a te kau pelofeta.

Ioane 13:34

Ma i te taimi nei, e kō tuku atua ki a te koutou he fakatonuga fou: ke alofa tētahi ki tētahi. E vē ona alofa atu au ki a te koutou, ke vēnā foki ona alofa tētahi ki tētahi.

Loma 13:10

Kāfai koe e alofa ki iētahi tino, ka hēai lele hau mea kino e fai ki ei; kāfai la koe e alofa, ko tona uiga kua uhitaki koe ki te Tūlāfono kātoa.

Loma 13:7

Totogi la nā tupe e nofo kaitālafu ai koutou ki ei; totogi ki ei nā itūkāigā lāfoga uma e tatau ke koutou totōgia, ma kavatu ki a te ki lātou uma te fakaaloalo ma te āva e tatau ai.

Kalatia 5:14

Auā ko te Tūlāfono kātoa e aofia i loto o te fakatonuga e fokotahi: “Alofa ki tō tuākoi e vē oi alofa koe ki a te koe lava.”

Kolohe 3:14

Ma ke fakaopoopo ki nā uiga lelei uma iēnei te alofa, tēia e ōpoi fakatahia nā mea uma, ma kātoatoa lelei ai.

1 Timoteo 1:5

Ko te ala o te fakatonuga tēnei kae ke tupu ake ai te alofa e hau mai te loto mamā, te lotofuatia lelei ma te fakatuatua moni.

Iakopo 2:8

Ko he mea e tatau lava ke koutou faia, te uhitaki ki te tūlāfono o te Mālō o te Atua e vē oi tūhia i te tuhituhiga paia, “Alofa ki tō tuākoi e vē oi alofa koe ki a te koe lava.”

1 Ioane 3:10

Ko tēnei la te mea e kehekehe ai nā fānau a te Atua ma nā fānau a te Tiāpolo: ko nā tino uma e hē ki lātou faia te mea e hako pe hē alolofa ki iētahi tino, e hē ni fānau e a te Atua ki lātou.