Loma 13:2 - Tokelauan New Testament

² Ko ai lava e teteke ki he mālō e tū nei, kua teteke ia ki te mea na fakatonu e te Atua; ma ko ai lava e ia faia te mea tēnei, ka kavea ia ki mua o te fakamahinoga.

Loma 13:2 ပူးပေါင်းရင်းမြစ်များ

Mataio 23:13

“Kae hāloa la koutou nā faiakoga o te Tūlāfono ma te kau Falehaio! Ko koutou ni tino fakagutugutulua. E koutou tapunia te faitotoka ki te Mālō o te lagi ki tagata, ka ko koutou e hē mafai ke olo ki loto, ma e hē koutou fakataga foki nā tino e taumafai ke olo ki loto.

Maleko 12:40

E fakavalea e ki lātou nā fafine kua oti a lātou āvaga ma kaihohoa a lātou mea uma, ma e fakaloloa a lātou tatalo ka ke ōfo ai ia tagata. Kae ka hili atu te pakia o ki lātou i te mamafa o te fakahalaga ka pa ki ei!”

Luka 20:47

e fakavalea e ki lātou nā fafine kua oti a lātou āvaga, ma kaihohoa o lātou fale; e fakaloloa a lātou tatalo kae ke ofo ai ia tagata. Ka hili lele atu ai lava te mamafa o te lātou fakahalaga!”

Loma 13:1

Ke uhitaki ia tagata uma tau tokatahi ki nā tūlāfono fakatemālō, auā e hē mafai ke i ei he mālō kāfai e hē finagalo ki ei te Atua, ma ko nā mālō e tutū nei, na tuku ki ei e te Atua.

Loma 13:3

Auā ko nā tino e i ei te pule, e hē tatau ke mātataku ai ki lātou e faia nā mea e lelei, kae vaganā ai ki lātou e faia nā mea e kino. E fofou koutou ko koutou ke nahe mātataku i nā tino e i ei te pule? Fai la nā mea e lelei, oi taku leleia ai koutou e ki lātou,

Loma 13:5

Ona ko te mea tēnei, e tatau ai koutou ke uhitaki ki a te ki lātou e i ei te pule — e hē gata ona ko te fakahalaga a te Atua, kae ko he mea foki e iloa lelei lava e koutou e tatau ke koutou faia.

Loma 9:19

Kae e ono fehili vē mai hētahi o koutou ki a te au, “Kāfai e vēnā ia faiga a te Atua, he ā la te koi fakamāhinohino ai e ia ki tātou? Ko ai he tino e ia mafaia oi teteke ki te finagalo o te Atua?”

Tito 3:1

Fakamanatu ki nā tino ke talia e ki lātou te pule a aliki ma nā taupulega, ke uhitaki ki ei ma ke nonofo hāuni ke fai ho he gāluega lelei.

Iakopo 3:1

Te kau uho, e hē tatau ke tokalahi ni tino o koutou e fai ma faiakoga. E vē ona koutou iloa, ko ki mātou nā faiakoga, ka hili atu te mamafa o te fakamahinoga o ki mātou tau tokatahi e fai e Atua, i lo iētahi tino.

1 Petelu 2:13

Ko te Aliki e fofou ko koutou ke uhitaki ki nā pūlega uma fakatetagata: ki te Tupu o Loma, tē e pūlea ia tagata uma,