Loma 12:8 - Tokelauan New Testament

⁸ kāfai ko te fakamālohi ki iētahi tino, e tatau ke fai te mea tēnā e ki tātou. Kāfai e fōki ni a tātou mea mo iētahi tino, e tatau ke fōki ke lava ma totoe; kāfai e ia te ki tātou te pule, e tatau ki tātou ke gālulue ma te mālohi; kāfai ki tātou e agalelei ki iētahi tino, e tatau ke fai ma te fiafia.

Loma 12:8 ပူးပေါင်းရင်းမြစ်များ

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Gāluega 11:23

I te pa atuga ma ia kiteagia nā fakamanuiaga a te Atua ki tagata, na ia lagona te fiafia ma na fakamālohi ki a te ki lātou uma, ke fakamāoni ma pipiki mau ki te Aliki ma o lātou loto kātoatoa.

Gāluega 13:12

Kua kitea e te Kōvana te mea kua tupu, oi talitonu ai; auā na ofo lahi lele i nā akoakoga e uiga ki te Aliki.

Gāluega 13:15

Kua uma te faitauga mai te Tūlāfono a Mohe ma nā tuhituhiga a te kau pelofeta, oi kave ai te faifekau a nā takitaki o te hūnako ki a te ki lātou e vē, “O mātou uho, kāfai e i ei hautou kupu fakamālohi mo te fakapotopotoga, e mafai ke fai i te taimi nei.”

Gāluega 15:32

Ko Iuta ma Hila, ni pelofeta foki lava ki lāua, na mataloa te taimi na tautatala ai ki nā tino iēnei kua talitonu, ma na maua ai e ki lātou te loto toa ma te mākekeke.

Gāluega 20:2

Na kui atu ia i nā kogāfenua iēnā ma fakamālohi ki te kau Kelihiano. Kua pa atu ia ki te atunuku ko Eleni,

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Gāluega 4:36

Ma ko Iohefa la, te ha-Levī na fānau i Kupulona, tē nae fakaigoa e te kau apohitolo ki a Panapa (ko tona uiga “Ko Tē e Fakamākeke ki tagata”),

Loma 12:13

Kave he vāega o autou mea ke ola ai outou uho Kelihiano mātitiva, ma talia i loto o outou fale nā tino kehe.

Loma 13:6

Ko te mea foki ia e totogi ai autou lāfoga, auā ko te mālō e galue mo te Atua kāfai e fakatino uma o lātou tiute.

1 Kolinito 12:28

Kua tōfia e te Atua i loto o te Ekalehia: muamua ko nā apohitolo, lua ko nā pelofeta, ma tona tolu ko nā faiakoga; oi hohoko ai nā tino fai vāvega, hohoko ai ki lātou kua tuku ki ei te mana ke fakamālōlō ai nā tauale pe ke fehoahoani ai ki iētahi tino pe ke fakatonu ai ki lātou, pe ke tautatala ai i nā gagana kehekehe.

1 Kolinito 14:3

Kae ko nā tino e ki lātou folafola te fekau mai te Atua, e tautatala ki tagata ma kavatu ki ei te fehoahoani, te fakamālohi, ma te fakamāfanafana.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 11:3

Ko au e popole nā ia koutou e fakavaleagia, e vē ko te fakavaleaga o Eva e te gata tau fakahehē, ma takitaki kehe ai koutou mai te koutou tāpuaki ki a Keliho, i te agaga kātoatoa ma te fakamāoni.

2 Kolinito 8:12

Kāfai koutou e naunau ke fōki, ka taliagia e te Atua tautou meaalofa fua kinā mea kua i outou lima, kae e hē fua kinā mea e hē tagolima koutou ki ei.

2 Kolinito 9:11

Ka fakatamaokāigagia koutou e te Atua i ho he mea, ma mafai ke tūmau ai pea te koutou lima fōaki, kae ke tokalahi ai nā tino e fakafetai ki te Atua, kāfai e tukulima atu ki ei e ki mātou, tautou meaalofa.

2 Kolinito 9:13

Ona kua fakamāoniagia tautou gālulue tautua, toutou lima fōaki ma te koutou fakamāoni i te folafolaga o te Tala Lelei ki a Keliho, ka vīkia ai te Atua e te tokalahi o tagata.

2 Kolinito 9:7

E tatau la koutou tau tokatahi ke fōki e tuha ma te mea kua loto koe ki ei, kae nahe fakalotolotolua, pe manatu foki ko he tiute e o koe ke fōki; auā ko te Atua e alofa ki te tino e fiafia oi fōki.

Efeho 6:5

Ko koutou pologa, uhitaki ki outou matai fakatetino i te mataku ma te gatete; fai te mea tēnei ma te loto fakamāoni moni, e vē lava ko koutou e kaukauna ki a Keliho.

Kolohe 3:22

Koutou nā pologa, uhitaki ki outou matai fakatetino i nā mea uma lele, nahe koutou uhitaki oioti ona e kikila atu kae ke taku leleia ai koutou; kae fai ma te koutou loto fakamāoni, ona ko koutou e mātataku i te Aliki.

1 Tehalonia 2:3

Ko te mātou ōlega ki a te koutou e hē fakavaea i luga o he hehē pe ni manatu hē mamā, ma ko ki mātou foki e hē taumafai ke fakavalea he tino.

1 Tehalonia 2:8

Ona ko to mātou alolofa ki a te koutou, na lava hāuni ai ki mātou ke kavatu te Tala Lelei mai te Atua ki a te koutou, e tuha lava pe feoti ai ki mātou. Ko koutou e tāua lahi lele ia te ki mātou.

1 Timoteo 4:13

Ka ko hēki fanatu au, ke mautinoa e faitau e koe nā Tuhituhiga Paia ki tagata, ma lāuga ma akoako atu ki a te ki lātou.

1 Timoteo 5:17

Ko nā takitaki toeaina e lelei te faiga o a lātou gāluega, e tatau ke fakaluaina o lātou totogi e maua, kae maihe lava ki lātou e gālulue fītā i te lāuga ma te akoako atu.

1 Timoteo 6:18

Fakatonu ke fai e ki lātou nā mea e lelei, ke maukoloa ki lātou ia lātou gāluega lelei e fai, ma ke lima fōaki ma fehoahoani ki iētahi tino.

Epelu 10:25

Ki tātou nahe fakavāivai oi māfuta i nā fono māhani, e vē oi fai e iētahi tino. Kae ke fakamālohi ātili tētahi ki tētahi, auā kua iloa e koutou ko te Aho o te Aliki kua tafapili lele mai.

Epelu 13:17

Uhitaki ki nā takitaki o koutou ma fai nā mea e fakatonu atu ai koutou. E hē mapu lele ki lātou i te kikilaga o koutou, auā e tatau ke ki lātou tuku atua ki te Atua he fakamatalaga e uiga ki a lātou gāluega tautua. Kāfai koutou e uhitaki ki ei, ka fiafia foki ki lātou i te faiga o te lātou gāluega; kae kāfai koutou e hē uhitaki, ka gālulue foki ki lātou ma te fakanoanoa, ma e hē ko he mea tēnā e lelei mo koutou.

Epelu 13:22

Ko au e talohaga atu ki a te koutou te kau uho, ko koutou ke fakalogo lelei ki te fekau tēnei e fakamālohi atu ki a te koutou; auā ko te tuhi tēnei e pukupuku.

Epelu 13:24

Momoli atu o mātou alofaaga ki nā takitaki o koutou ma tagata uma o te Atua. E momoli atu foki nā alofaaga mo koutou mai nā tino kua talitonu ki te Atua i Italia.

Epelu 13:7

Māfaufau ki nā takitaki muamua o koutou kua momoe atu, iēia na ki lātou fakailoa atua te kupu a te Atua ki a te koutou. Māfaufau ki o lātou ōlaga ma pe na vēhea ona feoti, ma fakatakitaki ki to lātou fakatuatua.