Loma 12:6 - Tokelauan New Testament

⁶ Ko te mea ia, e tatau ke fakaaogā e ki tātou nā meaalofa kehekehe kua ki tātou maua, e tuha ai ma te alofa tūnoa o te Atua. Kāfai ko te tātou meaalofa ko te folafola o te fekau a te Atua, e tatau ke fai e ki tātou fuafua ki te fakatuatua kua ia te ki tātou;

Loma 12:6 ပူးပေါင်းရင်းမြစ်များ

Mataio 23:34

Ko te mea ia, ka kō uga atua ki a te koutou nā pelofeta ma nā tino popoto ma nā faiakoga; ka koutou tāmatea iētahi o ki lātou, ka fakahātaulo iētahi, ma kini iētahi i loto o nā hūnako ma tuli mai tētahi kakai ki tētahi kakai.

Mataio 25:22

“Oi hau ai ki loto te kaukauna na tuku ki ei nā tāleni e lua ma lea vē atu ki tona matai, ‘Toku matai, na tuku mai e koe ki a te au nā tāleni e lua. Kikila, iēnei iētahi tāleni e lua na maua i aku taumafaiga.’

Luka 11:49

Ko te mea foki ia na vāgana vē ai te Poto o te Atua, ‘Ka kō uga atua ki a te ki lātou nā pelofeta ma nā kavefekau; ka ki lātou tāmatea iētahi o ki lātou, ma hāuāgia iētahi.’

Gāluega 13:1

Nae i te Ekalehia i Anitioka he vāega o te kau pelofeta ma ni faiakoga: ko Panapa, ko Himeona (nae fakaigoa ko te Nekelō), ko Loukio (mai Kulene), ko Manaene (tēia na ola fakatahi ake ma Helota te kōvana), ma Haulo.

Gāluega 15:32

Ko Iuta ma Hila, ni pelofeta foki lava ki lāua, na mataloa te taimi na tautatala ai ki nā tino iēnei kua talitonu, ma na maua ai e ki lātou te loto toa ma te mākekeke.

Gāluega 2:17

‘Kua vāgana te Atua: Ko tēnei te mea ka kō faia i nā toe aho: Ka kō liligia toku Agaga ki luga o tagata uma. Ka tālaki e autou fānau taku fekau; ka kitea e outou taulelea talavou ni fakaaliga, ma ka fai miti nā tino mātutua.

Gāluega 21:9

E toka fa ona afafine ko hēki fakaipoipo, nae folafola e ki lātou te fekau a te Atua.

Loma 1:11

Auā ko au e fofou lahi lele ke feiloaki ma koutou, kae ke mafai ai oi maua fakatahi e ki tātou he fakamanuiaga fakateagaga, ke mālolohi ātili ai koutou.

Loma 12:3

Ma e ona ko te meaalofa a te Atua ki a te au, e lea vēnei atu ai au ki a te koutou tau tokatahi uma: Ia koutou lele nahe manatu ko koutou e hili atu te lelei i lo i te tūlaga moni e i ei ai koutou. Kae e tatau koutou ke tukutuku ki lalo outou manatu, ma fuafua te tūlaga e i ei koutou ki te lahi o te fakatuatua kua fōki atu e te Atua ki a te koutou.

1 Kolinito 12:18

Kae ko te mea e i ei, nā tuku lava e Atua nā itūtino kehekehe o te tino ki te mea na fofou ia ki ei.

1 Kolinito 13:2

Kāfai e ia te au te mana e folafola ai te fekau mai te Atua; kāfai au e mālamalama i nā mealilo uma ma te poto; kāfai e ia te au te fakatuatua e mafai ai ke fakagaoi ia mauga — kae e hē ia te au te alofa, e hēai hoku aogā.

1 Kolinito 14:1

Ko te alofa la te tatau ke tauhiniō koutou ki ei. Ke naunau outou loto ki nā meaalofa fakateagaga, kae maihe lava te meaalofa tau ki te folafolaga o te fekau mai te Atua.

1 Kolinito 14:24

Kae kāfai e folafola e ki lātou te fekau a te Atua kae ōmamai ni tino kehe ki loto, ka mautinoa lelei e ki lātou a lātou agahala, e ala i nā mea kua fakalogo ki ei. Ka fakamahino ki lātou i nā mea uma lele e fakalogo ki lātou ki ei,

1 Kolinito 14:29

E tatau ke tautatala he toka lua pe he toka tolu kua fōki ki ei te fekau a te Atua, kae fuafua tatau e iētahi tino nā mea e lea ai ki lātou.

1 Kolinito 3:5

Kae ko ai nei ia Apolo? Ko ai foki ia Paulo? Ko ki mātou kua nā ni kaukauna na fakaaogā ke auala mai ai te koutou talitonu. Ko ki mātou e gālulue i nā gāluega na tōfia ai ki mātou tau tokatahi e te Aliki:

1 Kolinito 7:7

Ko te meamoni lava, e hili atu toku fofou ko koutou ke vē ko au; kae e tofu lava te tino ma te meaalofa fakapitoa mai te Atua, ko tētahi tino ko tēnei tana meaalofa, ko tētahi ko tēnā tana meaalofa.

2 Kolinito 8:12

Kāfai koutou e naunau ke fōki, ka taliagia e te Atua tautou meaalofa fua kinā mea kua i outou lima, kae e hē fua kinā mea e hē tagolima koutou ki ei.

Efeho 3:5

I nā aho kua teka, ko te mealilo tēnei e hēki fakailoa ki tagata, kae nei kua fakaalia e te Atua e ala i tona Agaga, ki tana kau apohitolo ma tana kau pelofeta paia.

Efeho 4:11

Ko ia te na ia “fōkia nā meaalofa ki tagata”; na ia tōfiagia iētahi ke kavea ma apohitolo, ko iētahi ma pelofeta, ko iētahi ma tino tālaki, ko iētahi ma faifekau ma iētahi ma faiakoga.

Filipi 3:15

Ko ki tātou uma kua mātutua i te fakateagaga, e tatau ke tutuha o tātou manatu. Kae kāfai e i ei ni tino o koutou e kehe o lātou manatu, ka fakamālamalama atu e te Atua ki a te koutou.

1 Tehalonia 5:20

nahe koutou inoino ki nā fekau mai te Atua e kui mai i nā tino kua ia tōfia.

2 Petelu 1:20

Kae fakahilihili ai lava ke koutou manatua, e hēai he tino e ia mafai oi fakamatala e ia lava, te uiga o he fekau na fakailoa mai e nā pelofeta, e vē oi tūhia i nā Tuhituhiga Paia.