Loma 12:15 - Tokelauan New Testament

¹⁵ Fiafia fakatahi ma ki lātou e fiafia, faitatagi fakatahi ma ki lātou e faitatagi.

Loma 12:15 ပူးပေါင်းရင်းမြစ်များ

Luka 1:58

Kua fakalogo nā tino e tuākoi ki lātou, ma nā kāiga o Elihapeta ki te lahi o te alofa o te Atua ki a Elihapeta, oi fiafia fakatahi ai ki lātou uma lele ma ia.

Ioane 11:19

ma e tokalahi nā tino Iutaia na ōmamai oi fakamāfanafana ki a Mafa ma Malia, ona ko te oti o to lā tuagane.

Gāluega 11:23

I te pa atuga ma ia kiteagia nā fakamanuiaga a te Atua ki tagata, na ia lagona te fiafia ma na fakamālohi ki a te ki lātou uma, ke fakamāoni ma pipiki mau ki te Aliki ma o lātou loto kātoatoa.

1 Kolinito 12:26

Kāfai he itūtino e fokotahi o te tino e āfāina, ko iētahi itūtino uma o te tino e āfāina fakatahi ma ia; kāfai he itūtino e vīkia, ko iētahi itūtino uma e vīkia fakatahi ma ia.

2 Kolinito 11:29

Kāfai he tino e vāivai, oi e lagona foki e au te vāivai; kāfai he tino e takitakia ma pakū ki te agahala, ko au e tumu i te fakanoanoa.

2 Kolinito 2:3

Ko te ala ia na tuhi atu ai taku tuhi tēnā ki a te koutou — ko au e hēki fofou ko au ke fanatu ke fakamahiahi e nā tino na tatau ke ki lātou faia nā mea e fakafiafia mai ki a te au. Auā e mautinoa lelei e au, kāfai au e fiafia, ko koutou uma foki e fiafia.

Filipi 2:26

Kua fia fanatu lele ke feiloaki ma koutou uma, ma e popole lele ona kua koutou iloa ko ia nae tauale.

Filipi 2:28

Ko au la kua fofou lele ke uga atu ia Epafolotito, kae ke fiafia ai koutou kāfai koutou e toe kikila ki ei, ma ke galo atu ai foki toku fakanoanoa.

Epelu 13:3

Ke manatua e koutou nā tino i te falepuipui, e vē lava koutou ni tino nae i te falepuipui ma ki lātou. Ke manatua nā tino puapuagā e vē lava ko koutou ni tino nae puapuagā e vē ko ki lātou.