Loma 12:14 - Tokelauan New Testament

¹⁴ Lea ki te Atua ke fakamanuia nā tino e faikino atu ki a te koutou — io, lea ke fakamanuia kae nahe fakamālaia.

Loma 12:14 ပူးပေါင်းရင်းမြစ်များ

Mataio 5:44

Kae ko au e lea atu nei ki a te koutou: alolofa ki nā tino e fai koutou ma o lātou fili, ma tatalo mo ki lātou e fakahāuā atu ki a te koutou,

Luka 23:34

Oi lea vē ake ai ia Iehu, “Te Tamana, fakamāgalo atu ko ki a te ki lātou, auā e hē ki lātou iloa te lātou mea kua fai.” Oi fai ai te lātou vili ke iloa ai te mea kofu o Iehu e maua e te tino.

Luka 6:28

fakamanuia ki a te ki lātou e fetūa koutou, ma tatalo mo ki lātou e fakahāuā atu ki a te koutou.

Gāluega 7:60

Oi tōtuli ai ki lalo kae kalaga leo lahi lele, “Te Aliki! Nahe faia te mea tēnei ma agahala a ki lātou!” Na lea vēnei atu ma na oti ai loa.

Loma 12:21

Nahe fakatōkilalogia lele koutou e te kino, kae fakatōkilalo te kino e te lelei.

1 Tehalonia 5:15

Kikila ke nahe i ei he tino e ia taui atua te kino i te kino, kae taumafai i taimi uma ke fai nā mea lelei e tētahi ki tētahi, ma vēnā ki tagata uma.

Iakopo 3:10

Ko nā kupu e fakafetai ai ma nā kupu e fetū ai, e hau ki fafo mai te gutu e fokotahi. Oku uho, ko te mea tēnei e hē tatau ke tupu!

1 Petelu 3:9

Nahe tauia te kino i te kino pe ko te fetū e te fetū; kae ke taui atu i te gogō o koutou ki te Atua ke fakamanuia ki lātou, auā ko nā gāluega vēnei na kalagagia ai koutou, ma ko te auala foki lava tēnei ka maua ai e koutou nā fakamanuiaga mai te Atua.