Loma 12:11 - Tokelauan New Testament

¹¹ Koutou nahe fakavāivai lele, kae ke mumū koutou e vē he mōlī i te Agaga, ma tautua ki te Aliki ma te loto kātoa.

Loma 12:11 ပူးပေါင်းရင်းမြစ်များ

Mataio 24:12

Ona ko te tuputupu pea o te āmiokino, ka hē toe lagona ai e te tokalahi o tagata he alofa.

Mataio 25:26

“Kua lea atu tona matai ki ei, ‘Ko koe he kaukauna kino ma te paiē. Oi e kē iloa ni e kō taua nā fua o nā lākau fatoaga i te mea e hēki kō totōa ai ni fatu lākau, ma kō helehelea te mea e hēki kō lūlūagia?

Gāluega 18:25

Na fakaako lelei ia e uiga ki te Ala o te Aliki, ma nae fiafia lahi lele oi folafola ma fakailoa hako atu nā fakamatalaga e uiga ki a Iehu. Kae oioti lava te mea na ia iloa ko te papatihoga a Ioane.

Gāluega 20:19

Ko au he kaukauna e a te Aliki nae galue ma te lotomaulalo vēnā ma te lahi o te loimata maligi, i nā taimi faigatā na pa mai ki a te au, ona ko nā taupulepulega a ni tino Iutaia.

1 Kolinito 7:22

Auā ko he pologa na kalagagia e te Aliki, ko he tino tēnā e haoloto i te Aliki; e vēnā foki la he tino e haoloto na kalagagia e te Aliki, e kavea ia ma pologa a Keliho.

Efeho 4:28

Kāfai koe he tino kaihohoa, tuku loa te kaihohoa kae kāmata galue mālohi ke ola koe i au gāluega ma mafai ai koe ke fehoahoani ki nā tino mātitiva.

Kolohe 4:1

Koutou matai, ke tonu ma hako autou faiga e fai ki nā pologa a koutou. Ke koutou manatua, e i ei foki te koutou Matai i te lagi.

1 Timoteo 5:13

E hē gata i tēnā, kua ki lātou iloa foki oi fakamāumau o lātou taimi, i te oatu mai tēia fale ki tēia fale. Kae ko te mea e hili te kino, kua ki lātou iloa oi faitala fakakino ma aiā tauanoa ki nā mea e hēai he lātou fekau ki ei.

Epelu 12:28

Ko ki tātou la e tatau ke fakafetai, auā e maua e ki tātou he mālō e hē mafai ke lūlūgia. Tātou fakafetai ma tāpuaki ki te Atua i he auala e fiafia ai ia, ma e mamalu lahi ma i ei te mataku;

Iakopo 5:16

Ko te mea ia, e tatau ke fakamāhani koutou i te takutaku atu o agahala a tētahi ki tētahi ma tatalo tētahi mo tētahi, kae ke mālōlō ai koutou. Ko te tatalo a te tino lelei, e mālohi ma e fehoahoani lahi lele ki a te ia.

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.

1 Petelu 4:8

Kae fakahilihili ai, ke tūmau pea lava te alofa o tētahi ki tētahi, auā ko te alofa e kave kehea ai te lahi o agahala.

Fakaaliga 2:4

Kae ko tēnei te mea e hē fiafia ai au ki a te koutou: ko koutou e hē alolofa mai ki a te au i te taimi nei, e vē ko te taimi muamua.