Loma 11:7 - Tokelauan New Testament

⁷ Oi vēhea ai? E hēki maua e tagata Ihalaelu te mea nae hakili e ki lātou. Ko te vāega tokaititi na filifilia e te Atua, te na ki lātou mauagia, kae ko iētahi tino kua makaka nā loto,

Loma 11:7 ပူးပေါင်းရင်းမြစ်များ

Maleko 6:52

auā ko hēki mālamalama lava ki lātou ki te uiga moni o te fafagaga o te toka lima afe; e faigatā ke talia e o lātou māfaufau.

Luka 13:24

“Taumafai ke kui koutou ki loto i te faitotoka vāiti; auā e lea atu au ki a te koutou, e tokalahi nā tino ka taumafai ke kui ai, kae ka hē mafai.

Ioane 12:40

“Kua fakatauahogia e te Atua o lātou mata ma tapunia o lātou māfaufau, kae ke hē mafai o lātou mata oi kikila, ma hē mafai o lātou māfaufau oi mālamalama, ma hē liliu mai ai ki lātou ki a te au, kua lea ai te Atua, ke kō fakamālōlōa ki lātou.”

Loma 10:3

Ko hēki ki lātou iloa te auala e fakalelei ai e te Atua te va o tagata ma ia, ka kua taumafai lava ki lātou ke fai a lātou lava faiga māhani; ma kua hē ki lātou tukuatua ai ki lātou ki te faiga a te Atua e fakalelei ai te va o tagata ma ia.

Loma 11:25

Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

Loma 11:5

E vēnā foki lava te mea e i ei nei: e i ei nā tino tokaititi e totoe o ki lātou kua filifilia e te Atua i tona alofa tūnoa.

Loma 3:9

E i ei nei la he mea e hili atu ai ki mātou tagata Iutaia i lo nā tino nukukehe? E hēai lele. Kua uma te fakailoa atu e au, e tutuha lava nā tino Iutaia ma nā tino nukukehe; ei lalo uma lava o te pule a te agahala.

Loma 6:15

E vēhea la? Ka fai nei la e ki tātou te agahala meamanū ko ki tātou e hē i lalo o te tūlāfono, kae e i lalo o te alofa tūnoa o te Atua? Hēai!

Loma 9:18

Ko te mea ia, ko te alofa fakahao o te Atua e fakaalia ki ho he tino e loto ia ki ei, ma fakamakaka e ia te loto o ho he tino e loto ia ki ei.

Loma 9:23

ma e vēhea pe kāfai kua ia faia te mea tēnei kae ke fakailoa ai te lahi lele o tona mamalu fakaalia mo ki tātou nā tino e fakaaga ki ei tona alofa fakahao, nā tino o ki tātou kua uma te ia tāpenagia ke maua e ki lātou tona mamalu fakaalia.

1 Kolinito 10:19

Ko te uiga nei la o taku lea atu, ko he tupua pe ko nā meakai e ofo atu ki ei, e i ei he uiga?

2 Kolinito 3:14

Kae ko o lātou māfaufau nae makaka; ma ke pa mai ki te aho nei, kāfai e faitau ki lātou ki te feagaiga tuai, e vē o lātou māfaufau koi pupuni lava i he kie ufimata, auā e fātoā mafai lava ke kave kehe te kie ufimata, pe kāfai te tino e ia talia ia Keliho.

2 Kolinito 4:4

Ko nā tino iēnei e hē talitonu, auā kua fakapoulitia o lātou māfaufau e Hātani, te atua kino o te lalolagi. E ia tāofiofia ki lātou ke nahe ki lātou kiteagia te mālamalama e huhulu ake ki a te ki lātou, te mālamalama e hau mai te Tala Lelei e uiga ki te mamalu o Keliho, tē e vē lava ko te Atua.

Efeho 1:4

Ka ko hēki fakavaea te lalolagi ka kua uma te filifilia o ki tātou e te Atua ke fai mo ia, e ala i te tātou hokotaga ma Keliho, kae ke paia ai ki tātou ma hēai ni hehē i mua o ia. Ona ko tona alofa

Efeho 4:18

ma e pōuliuli o lātou māfaufau. E hēai ho lātou tofi i te ola e fōki mai e te Atua, auā e matuā hē mālamalama lava ma, e loto makaka.

Filipi 1:18

E hē āfāina! Ko au e fiafia ki ei — pe kāfai ka kavea tēnā ma auala ke tālaki ai e uiga ki a Keliho i ho he auala e mafai ai, e tuha lava pe hehē pe hako te agaga e fai ai. Ma ka tūmau pea lava toku fiafia,

Epelu 12:17

Auā e koutou iloa, i he taimi mulimuli ake, na fofou ke ia mauagia te fakamanuiaga a tona tamana; kae e hēki mafai te mea tēnei, ona e hēki ia maua he auala ke toe hui ai tana mea na fai, e ui lava nae hakili e ia ma te tagi.

1 Petelu 1:2

Ko koutou na filifilia e tuha ai ma fuafuaga a te Atua te Tamana, ma na fakapaiagia e tona Agaga, ke uhitaki ki a Iehu Keliho ma ke fakamamāgia i tona toto. Ke tūmau pea ia te koutou te alofa tūnoa ma te fīlēmū o te Atua.