Loma 11:6 - Tokelauan New Testament

⁶ Ko tana filifiliga e fakavae i luga o tona alofa tūnoa, kae hē ona ko a lātou gāluega na fai. Auā kāfai te filifiliga a te Atua e fakavae i luga o gāluega a tagata e fai, tona uiga ko tona alofa tūnoa la e hē ko he alofa tūnoa moni.

Loma 11:6 ပူးပေါင်းရင်းမြစ်များ

Luka 6:13

Kua pa ki te taeao, oi lea ai ki nā hoko o ia ke ōmamai ki a te ia, ma na filifili ai e ia he toka hefululua o ki lātou, na ia fakaigoagia ni apohitolo;

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

Kalatia 2:21

E hē tetekea e au te alofa tūnoa o te Atua. Kae kāfai he tino e fakaleleia tona va ma te Atua e ala i te Tūlāfono, ko tona uiga e hēai he uiga na oti ai ia Keliho.

Kalatia 5:4

Ko koutou iēnā kua taumafai ke fakalelei te koutou va ma te Atua e ala i te uhitaki ki te Tūlāfono, kua koutou momotu kehea lava koutou ma Keliho. Kua hē koutou maua te alofa tūnoa o te Atua.

2 Timoteo 1:9

Ko ki tātou na fakaola e te Atua ma ia filifilia ke kavea ma ona tagata, e hē ona ko nā gāluega kua ki tātou faia, kae ona ko ana lava fuafuaga ma tona alofa tūnoa. Na ia fōki maia tona alofa tūnoa tēnei e ala ia Keliho Iehu, ka ko hēki faia te lalolagi,

Tito 3:5

ma kua fakaola ai ki tātou. E hē ona ni gāluega lelei na ki tātou faia, kae ona ko tona alofa fakahao mo ki tātou. E ala i te mana o tona Agaga na ia fakamamāgia ai ki tātou ma mafai ai ke toe fanaufougia ki tātou ma maua ai e ki tātou te ola fou.