Loma 11:36 - Tokelauan New Testament

³⁶ Auā ko nā mea uma lele na ia faia, e ala ia te ia, ma e mo ia. Ke vīkia pea lava te Atua ke pa ki te hēgata! Amene.

Loma 11:36 ပူးပေါင်းရင်းမြစ်များ

Mataio 6:13

Ma nahe takitakia ki mātou ki nā fakaohoohoga, kae laveaki ki mātou mai te kino.’

Luka 19:38

“Ke fakamanuia e te Atua te tupu e hau i te igoa o te Aliki! Ke i ei te fīlēmū i te lagi ma ke vīkia te Atua!”

Luka 2:14

“Ko te vīkiga ki te Atua Hilihilikehe, ma te fīlēmū i te lalolagi, mo ki lātou kua fiafia ia ki ei!”

Gāluega 17:28

e vē oi lea ai hētahi tino, ‘E ala ia te ia, kua ola ma gāoioi ma tūmau ai pea ki tātou.’ E vē foki ko nā kupu a iētahi tino fatuholo o koutou, ‘Ko ki tātou uma ni fānau lava e a ia.’

Loma 16:27

Ke vīkia te Atua e tokatahi, ko ia oioti te poto, e ala ia Iehu Keliho, ke pa lava ki te fakavavau! Amene.

1 Kolinito 11:12

Auā e vē ona gaohia te fafine mai te tagata, e vēnā foki ona fānau mai te tagata i te fafine; ma ko te Atua te na ia faia ia mea uma.

1 Kolinito 8:6

kae mo ki tātou, e fokotahi oioti lava te Atua, ko te Tamana, na ia gaohia ia mea uma, ma ko ki tātou e ola mo ia; ma e fokotahi oioti lava te Aliki, ko Iehu Keliho, e ala ia te ia na gaohiga ai ia mea uma, ma e ala ia te ia kua ola ai ki tātou.

Kalatia 1:5

E o te Atua nā vīkiga ke pa lava ki te fakavavau! Amene.

Efeho 3:21

ke i te Atua nā vīkiga a ala i nā Ekalehia ma Keliho Iehu, i nā aho uma lele, ke pa ki fakavavau fakavavau lava! Amene.

Filipi 4:20

Ke vīkia to tātou Atua te Tamana ke pa lava ki te fakavavau! Amene.

1 Timoteo 1:17

Ke i te Tupu o te fakavavau, tē e ola pea lava ma hē kitea e he tino, te Atua e tokatahi lava — te mamalu ma te vīkiga, ke pa ki te fakavavau lava! Amene.

1 Timoteo 6:16

Nā ko ia lava te ola pea lava; e nofo ia i te mālamalama e pupula lahi e hē mafai ke kikila ki ei he tino, ma e hēai he tino na kua ia kitea, pe mafai foki ke ia kitea. Ke ia te ia te vīkiga ma te mana e fakavavau! Amene.

2 Timoteo 4:18

Ma ka laveakia au e te Aliki mai nā faiga kino uma, ma ia kavea au ma te haogalēmū ki tona Mālō i te lagi. Ke ia te ia te vīkiga ke pa lava ki te fakavavau! Amene.

Epelu 2:10

Ko he mea tatau i te Atua, tē na gaohia ma mafai ke tūmau ai ia mea uma, ke ia fakakātoatoagia te lelei o Iehu e ala i ona puapuagā, kae ke takitakia ai te tokalahi o fānau a te Atua, ke i ei fakatahi ma ia i tona mamalu. Auā ko Iehu te takitakia ki lātou ki te fakaolataga.

1 Petelu 4:11

Kāfai ko tau meaalofa ko te poto oi tautala, folafola te fekau a te Atua. Kāfai ko tau meaalofa ko te fehoahoani ki iētahi tino, tautua la ki iētahi tino i te mālohi e fōki atu e te Atua. Kae e tatau nā mea uma iēnei ke fai i he auala e maua ai he vīkiga mo te Atua e ala ia Iehu Keliho, tē e o ia te mamalu ma te mālohi ke pa lava ki te hēgata.

1 Petelu 5:11

Ke ia te ia te mālohi e fakavavau fakavavau lava. Amene.

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.

Iuta 1:25

ke i te Atua e tokatahi to tātou Fakaola, e ala ia Iehu Keliho to tātou Aliki, te vīkiga, te mamalu, te mana ma te pule, mai te kāmataga ke pa mai ki te taimi nei, ma ke pa ki te fakavavau fakavavau lava. Amene.

Fakaaliga 19:1

Kua uma atu te mea tēnei, oi lagona ai e au he mea e vē he leo lahi lele o he kaifenua tokalahi i te lagi, e tau kālalaga vē, “Ke vīkia te Atua! Ko te Atua ko te Fakaola! E o ia te mana ma te mālohi!

Fakaaliga 21:6

Ma na lea vē, “Kua taunuku nā mea uma iēnei! Ko au ko te Alefa ma te Ōmeka, te kāmataga ma te fakaikuga. Ko ai lava e fia inu, ka fōki e au ki ei e aunoa ma he totogi, te vai mai te vaipuna e maua ai te vai o te ola.

Fakaaliga 7:10

Kua tau kālalaga leo lahi vē ki lātou, “Ko te fakaolataga e mai te Atua tē e nofo i te nofoāliki, ma te Punuamāmoe!”

Fakaaliga 7:12

ma lea vē, “Amene! Ke i to tātou Atua te vīkiga, te mamalu, te poto, te fakafetai, te fakaaloalo, te mālohi ma te mana ke pa lava ki te fakavavau, Amene!”