Loma 11:24 - Tokelauan New Testament

²⁴ Ko koutou tagata nukukehe e vē ko te lālā o te ōlive ola vale e gagau kehe ma hohoko ki te ōlive e tauhi lelei, e ui lava ko he mea tēnei e hē tuha ma te natula o mea. Ko tagata Iutaia e vē ko te ōlive e tauhi lelei; ma e faigōfie lele i te Atua oi toe hohoko nā lālā iēnei na tagau kehe, ki te lākau lava na tagau mai ai.

Loma 11:24 ပူးပေါင်းရင်းမြစ်များ

Loma 11:23

Ma kāfai nā lālā e kāmata oi toe fakatuatua, ka toe tuku atu ki lātou ke fai ma vāega o te lākau tēnā; auā e mafai te mea tēnā ke fai e te Atua.

Loma 11:25

Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

Loma 11:30

Kae vē la ko koutou tagata nukukehe, e i ei te taimi na teteke ai koutou ki te Atua. Kae i te taimi nei, kua teteke ia tagata Ihalaelu ki te Atua, ma kua fakaalia tona alofa fakahao mo koutou.