Loma 11:23 - Tokelauan New Testament

²³ Ma kāfai nā lālā e kāmata oi toe fakatuatua, ka toe tuku atu ki lātou ke fai ma vāega o te lākau tēnā; auā e mafai te mea tēnā ke fai e te Atua.

Loma 11:23 ပူးပေါင်းရင်းမြစ်များ

Mataio 23:39

Auā e lea atu au ki a te koe, e kāmata atu nei, ka hē toe kē kiteagia au, heiloga kua pa ki te taimi e lea vē ai koe, ‘Ke fakamanuia e te Atua tē e hau i te igoa o te Aliki’ ”

Loma 11:17

Ko iētahi o lālā o te ōlive e tauhi lelei, kua tagau kehe ma kua hohoko ki ei he lālā o te ōlive ola vale. Ko koutou tagata nukukehe e vē ko te ōlive ola vale, ma i te taimi nei kua maua fakatahi e koutou na fakamanuiaga ona ko koutou kua kavea ma vāega o te ōlive e tauhi lelei.

Loma 11:24

Ko koutou tagata nukukehe e vē ko te lālā o te ōlive ola vale e gagau kehe ma hohoko ki te ōlive e tauhi lelei, e ui lava ko he mea tēnei e hē tuha ma te natula o mea. Ko tagata Iutaia e vē ko te ōlive e tauhi lelei; ma e faigōfie lele i te Atua oi toe hohoko nā lālā iēnei na tagau kehe, ki te lākau lava na tagau mai ai.

2 Kolinito 3:16

Kae ko te kie ufimata e mafai ke kave kehe, e vē oi lea mai te tuhituhiga paia e uiga ki a Mohe: “Na kave kehea tona kie ufimata i te liliuga o ia ki te Aliki.”

Epelu 3:19

Kua kitea la e ki tātou, e hēki mafai ki lātou ke pa ki te nuku, ona e hēki talitonu.