Loma 11:12 - Tokelauan New Testament

¹² Ko te agahala a tagata Iutaia kua maua ai te lahi o fakamanuiaga e te lalolagi, ma ko to lātou mātitiva i te fakateagaga, kua maua ai te lahi o fakamanuiaga e tagata nukukehe. E vēhea ake nei la te lahi atu lele o nā fakamanuiaga e maua kāfai e tau kātoa i loto te nūmela o tagata Iutaia uma!

Loma 11:12 ပူးပေါင်းရင်းမြစ်များ

Gāluega 3:21

E tatau ke nofo pea ia i te lagi ke pa ki te taimi e fakafougia ai ia mea uma, e vē ona folafola e te Atua e ala i te kau pelofeta paia nae tautua mo ia i nā aho kua loa.

Loma 11:15

Auā kāfai ko te tetekega o ki lātou e te Atua kua fai ma mea e liliu ai te lalolagi ki te Atua, e vēhea nei la kāfai e toe taliagia ki lātou e te Atua? Ka vē lava ki lātou ni tino oti kua toe ola.

Loma 11:25

Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

Loma 11:33

Kai te lahi lele o te tamaokāiga o te Atua! Kai te loloto lele o tona poto ma tona mālamalama! Ko ai nei te ia mafaia oi fakamālamalama ana tonu? Ko ai nei te mālamalama i ona ala?

Loma 9:23

ma e vēhea pe kāfai kua ia faia te mea tēnei kae ke fakailoa ai te lahi lele o tona mamalu fakaalia mo ki tātou nā tino e fakaaga ki ei tona alofa fakahao, nā tino o ki tātou kua uma te ia tāpenagia ke maua e ki lātou tona mamalu fakaalia.

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.