Loma 11:10 - Tokelauan New Testament

¹⁰ Ke fakapōulitia o lātou mata kae ke hē ki lātou kitea; ma ke pīpiko o lātou tua i o lātou fakafītāuli i taimi uma.”

Loma 11:10 ပူးပေါင်းရင်းမြစ်များ

Loma 1:21

E ki lātou iloa te Atua, kae e hē ki lātou mafaia lele oi lea vē ake, “Ko koe ko te Atua moni.” E hē ki lātou lagonagia lele foki he loto fakafetai ki gāluega a te Atua. Kae ko o lātou manatunatuga e hēai lele he uiga, ma o lātou māfaufau papaku, kua tumu i te pōgihā.

Loma 11:8

e vē oi tūhia, “Kua fakatuka e te Atua o lātou māfaufau ma o lātou loto; ke pa mai lava ki te aho nei, e hē kitea e o lātou mata pe lagona e o lātou taliga.”

Efeho 4:18

ma e pōuliuli o lātou māfaufau. E hēai ho lātou tofi i te ola e fōki mai e te Atua, auā e matuā hē mālamalama lava ma, e loto makaka.

2 Petelu 2:17

Ko nā tino iēnei e vē ni vaipuna kua māmaha, e vē ni ao e pūhia i he afā; kua uma te fakaavanoa e te Atua to lātou nofoaga i te mea e pito hili te loloto ma te pōgihā.

2 Petelu 2:4

E hēki fakahaoa e te Atua nā agelu na agahala, kae na togi ki heoli, te mea e noanoa ai i nā filifili i te pōgihā, ma fakatalitali ai mo te Aho Fakamahino.

Iuta 1:13

E vē ki lātou ko nā galu o he tai hou, ko te takāpia o a lātou āmio mātagā, e togi ake ki te matāfaga. E vē ki lātou ko nā fetu e eva holo, ma kua uma te hāunia e te Atua he nofoaga i te lolotoga o te pōgihā, ke nonofo ai pea ki lātou ke pa ki te fakavavau.

Iuta 1:6

Ke manatua e koutou ko nā agelu e hēki tauhihi ki te tūlaga e gata mai ai te pule na tuku ake ki a te ki lātou e te Atua, na tīaki e ki lātou to lātou nofoaga tōtino; kua fakatonu e te Atua ke haihai ki lātou i ni filifili ke pa ki te fakavavau i te pōgihā i lalo, te mea e tuku ai lava ki lātou ke pa ki te fakamahinoga i te Aho lahi.