Loma 10:9 - Tokelauan New Testament

⁹ Kāfai e takutino e koutou i mua o tagata ko Iehu ko te Aliki ma talitonu koutou na fakatū e te Atua mai te oti, ko koutou ka fakaolagia.

Loma 10:9 ပူးပေါင်းရင်းမြစ်များ

Luka 12:8

“E lea atu au ki a te koutou, ko nā tino e folafola e ki lātou i mua o tagata ko ki lātou e āku, ka vēnā foki oi fai e te Ataliki o te Tagata i mua o nā agelu a te Atua.

Ioane 9:22

Na lea vēnā ona mātua, ona kua mātataku i nā takitaki o Iutaia, auā kua uma te fai o te lātou tonu, ko te tino e lea ko ia e talitonu ko Iehu ko te Mehia, e tuli kehe mai loto o te hūnako.

Gāluega 16:31

Kua tali mai te toka lua, “Talitonu ki te Aliki ko Iehu, oi fakaola ai koe — ko koe ma tō kāiga.”

Gāluega 2:24

Kae na toe fakatū e te Atua ia Iehu mai te oti, ma fakahaoloto mai nā tīgā matuitui o te oti, auā e hē mafai e te oti oi tāofi fakapagotā ia Iehu.

Gāluega 2:32

Kua toe fakatū mai i te oti e te Atua te Iehu lava tēnei, oi ko ki mātou uma iēnei ni molimau ki te mea tēnā.

Gāluega 8:36

Ka koi fakaauau te malaga i luga o te auala, oi tau atu ai ki he koga e i ei ni vai, oi lea vē atu ai te eunuka, “Kikila, iēnā nā vai! He ā te hē mafai ai au ke papatiho?”

Loma 10:10

Auā ko te tātou fakatuatua te fakalelei ai to tātou va ma te Atua; ko te tātou takutinoga i mua o tagata, te fakaola ai ki tātou.

Loma 14:11

I te tuhituhiga paia, kua vāgana te Aliki, “E vē ona mautinoa lelei ko au ko te Atua e ola pea lava ka vēnā foki ona mautinoa lelei ko tagata uma ka tōtutuli ki lalo, ma taufai viviki ake ki toku igoa.”

Loma 14:9

Auā ko Keliho na oti ma toe ola mai, kae ke kavea ai ia ma Aliki mo tagata ola, vēnā ma tagata oti.

Loma 4:24

Na tūhia foki mo ki tātou, ki tātou iēia ka fakaleleia e te Atua to tātou va ma ia, ma e talitonu ki tē na ia toe fakatū maia mai te oti, ia Iehu tō tātou Aliki.

Loma 8:34

Ko ai la te ka ia taku halagia ki lātou? Ko Keliho Iehu? Hēai! Ko Keliho na oti, oi toe fakatū mai ai i te oti, ma e i te itū taumatau o te Atua, e fautua mo ki tātou!

1 Kolinito 12:3

Ko te mea ia, ko au e fofou ke koutou iloa e hēai he tino e takitakia e te Agaga o te Atua e mafai ke “fetū e ia ia Iehu!” ma e hēai he tino e ia mafai oi folafola “Ko Iehu ko te Aliki,” pe kāfai e hē takitakiagia e te Agaga Paia.

Filipi 2:11

ma ka takutaku atu e ki lātou uma lele ko Iehu Keliho ko te Aliki, ke vīkia ai te Atua te Tamana.

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.

1 Ioane 4:15

Ko ai lava he tino e ia takutinoagia ko Iehu ko te Ataliki o te Atua, ko te tino tēnā e ola i te māfutaga ma te Atua, ma ko te Atua e ola i te māfutaga ma ia.

2 Ioane 1:7

Kua tokalahi ia tagata fakahehē kua olo ki itū uma o te lalolagi, ni tino e hē talitonu ko Iehu Keliho na hau ko he tagata ola. Ko nā tino vēnā e tau fakahehē ma e teteke ki a Keliho.