Loma 10:7 - Tokelauan New Testament

⁷ “Ia koe foki nahe lea vē, Ko ai te ka fano ki lalo ki te lalolagi o tagata oti?” (ke kavake ia Keliho ki luga mai te oti).

Loma 10:7 ပူးပေါင်းရင်းမြစ်များ

Luka 8:31

Oi fakatagi atu ai ki lātou ki a Iehu ke nahe ia fakatonua ke uga ki lātou ki lalo ki te lua e hēai he gataga o tona loloto.

Loma 4:25

Ona ko a tātou agahala, na tuku atu ai ia e te Atua ke oti, ma na toe fakatū mai ki te ola, kae ke fakalelei ai to tātou va ma ia.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

1 Petelu 3:22

tēia kua fano ki te lagi ma e i te itū taumatau o te Atua, ma e pule ia i agelu uma, taupulega ma mālohiaga uma i te lagi.

Fakaaliga 1:18

Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.