Loma 10:19 - Tokelauan New Testament

¹⁹ Ko au e toe fehili: Ko tagata nei o Ihalaelu e hēki mālamalama? Na tali lava e Mohe te fehili tēnei i te leaga e uiga ki te vāgana a te Atua e vē: “Ka fakaaogā e au nā tino o mālō hē taulia ke fakatupu ai te lotokino ki oku tagata; ma e ala i nā mālō o tagata vālea ka fakatupu ai e au te ita ki oku tagata.”

Loma 10:19 ပူးပေါင်းရင်းမြစ်များ

Loma 10:18

Kae ko au la e fehili: E moni nei ko hēki fakalogo ki lātou ki te fekau? Ko te meamoni, kua lagona e ki lātou — auā e lea mai te tuhituhiga paia: “Ko o lātou leo kua halalau ki te lalolagi kātoa; ko a lātou kupu kua pa ki nā pito uma o te lalolagi.”

Loma 11:11

Ko au la e fehili: Na hīhīga nei ma pakukū ma hēki mafai ke toe tutū ki luga? Hēai! Kae ona kua agahala ki lātou, kua maua ai e tagata nukukehe te fakaolataga, ke fai ma mea e tupu ai te loto kino i tagata Ihalaelu.

Loma 11:14

kae ke fai ma mea e tupu ai te lotokino i oku tagata, ma mafai ai ke fakaola ni tino o ki lātou.

1 Kolinito 1:12

Ko te uiga o taku lea atu: Ko koutou tau tokatahi, e kehekehe nā mea e tautatala ai koutou. E lea tētahi, “Ko au e mulimuli ki a Paulo”; ko tētahi, “Ko au e mulimuli ki a Apolo”; ko tētahi, “Ko au e mulimuli ki a Kepa”; ma tētahi, “Ko au e mulimuli ki a Keliho.”

1 Kolinito 10:19

Ko te uiga nei la o taku lea atu, ko he tupua pe ko nā meakai e ofo atu ki ei, e i ei he uiga?

1 Kolinito 11:22

E hēai nei ni fale mo koutou lava ke kakai ma inu ai koutou? Pe ko koutou e inoino ki te Ekalehia a te Atua, ma fofou koutou ke fakamahiahi nā tino mātitiva? Ka vēhea atu nei au? Ka fakamālō atu nei au ki a te koutou? Hēai! E hē faia e au he mea vēnā!

1 Kolinito 12:2

E vē ona koutou iloa i te taimi ka koi fakapaupau ai koutou, ko koutou nae fakahehē i nā itū e lahi, e ala i te koutou ifo ki nā tupua e hēai ni ola.

1 Kolinito 15:50

Ko te uiga o taku lea atu, te kau uho, ko te mea e gaohia i te kanofi ma te toto, e hēai hona inati i loto o te Mālō o te Atua, ma ko te mea e fano e pala, e hē mafai ke hē pala.

1 Kolinito 7:29

Ko te uiga o taku tala, oku uho, ko tēnei: kua hē lava he taimi e totoe; ma e kāmata atu nei ko nā tino kua uma te fakaipoipo e tatau ke ola e vē lava ni tino e hēki fakaipoipo;

Tito 3:3

Auā ko ki tātou foki nae vālelea, hē uhitaki ma nae hehē. Ko ki tātou nae fai ma pologa ki manakoga ma tuinanauga kehekehe. Ko ki tātou nae ola i he ōlaga tau fakakino ma te fuā; nae inohia ki tātou e tagata ma nae inoino foki ki tātou ki a te ki lātou.

1 Petelu 2:10

Nae i ei te taimi ko koutou nae hē ni tagata e o te Atua, kae nei ko koutou kua kavea ma tagata o te Atua; nae i ei te taimi nae hē koutou iloa ai te agalelei o te Atua, kae nei kua koutou maua tona agalelei.