Loma 10:17 - Tokelauan New Testament

¹⁷ Ko te mea ia, ko te fakatuatua e hau mai te fakalogo ki te fekau, ma ko te fekau e hau mai te tālakiga e uiga ki a Keliho.

Loma 10:17 ပူးပေါင်းရင်းမြစ်များ

Maleko 4:24

Kua toe vāgana atu ia Iehu ki a te ki lātou, “Fakalogo lelei ki nā mea e lagona e koutou! Ko te fua e fakaaogā e koutou, ko te fua foki ia ka fakaaogā e te Atua ki a te koutou — ma ka lahi atu e toe fakaopoopo mo koutou.

Luka 11:28

Ka kua tali atu ia Iehu, “Io, kae amutia la nā tino e fakalogo ki te kupu a te Atua, ma uhitaki ki ei!”

Luka 8:11

“Ko tēnei te uiga o te talafakatuha: ko te fatu haito, ko te kupu a te Atua.

Luka 8:21

Ka kua vāgana atu ia Iehu ki a te ki lātou uma, “Ko toku mātua ma oku uho, ko ki lātou iēnā e lagona te kupu a te Atua, ma uhitaki ki ei”

Ioane 1:37

Kua lagona atu e nā hoko e toka lua o ia te mea tēnei, oi olo ai kua mulimuli ki a Iehu.

Loma 1:16

Ko au e talitonu kātoatoa ki te Tala Lelei; ko te mana tēnā o te Atua e fakaola ai ki lātou uma e talitonu, muamua ko tagata Iutaia, ma vēnā foki ma tagata nukukehe.

Loma 10:14

Kae e kālalaga vēhea ake ki lātou ki a te ia mo he fehoahoani, pe kāfai ko hēki talitonu ki lātou? E talitonu vēhea ake ki lātou, pe kāfai ko hēki fakalogo ki lātou ki te fekau? Ma, e lagona vēhea ake e ki lātou te fekau, pe kāfai te fekau ko hēki folafolagia?

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

Kalatia 3:2

Ke fehili atu la au vēnei: Na maua e koutou te Agaga o te Atua e ala i te uhitaki ki te Tūlāfono, pe na ala i te kua fakalogo o koutou ki te Tala Lelei ma talitonu ki ei?

Kalatia 3:5

E fōki atu nei e te Atua tona Agaga ki a te koutou ma fai e ia nā vāvega ona ko koutou e uhitaki ki te mea e lea mai ai te Tūlāfono, pe ona kua fakalogo koutou ki te Tala Lelei ma talitonu ki ei?

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

1 Tehalonia 2:13

Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu.

Epelu 4:2

Auā kua fakalogo ki tātou ki te Tala Lelei e vē foki lava ona fakalogo ki lātou ki ei. Na fakalogo ki lātou ki te fekau, kae e hēki aogā mo ki lātou auā e hēki talia e ki lātou ma te loto fakatuatua.

1 Petelu 1:23

Auā e ala i te kupu a te Atua e ola pea lava ke pa ki te hēgata, kua toe fānanau mai ai koutou i he mātua e fano e oti, kae hē mai he mātua e ola pea lava.

Fakaaliga 1:9

Ko au ko Ioane, he uho ki a te koutou, ma ko he hoko e o Iehu. Ko au he hoa e o koutou, ma e talia ma te onohai e ki tātou nā puapuagā e maua ai nā tino e o ki lātou te Mālō. Ko au na kave ki te motu ko Patamo ona nae kō folafolagia te kupu a te Atua ma te meamoni na fakaalia e Iehu.