Loma 10:14 - Tokelauan New Testament

¹⁴ Kae e kālalaga vēhea ake ki lātou ki a te ia mo he fehoahoani, pe kāfai ko hēki talitonu ki lātou? E talitonu vēhea ake ki lātou, pe kāfai ko hēki fakalogo ki lātou ki te fekau? Ma, e lagona vēhea ake e ki lātou te fekau, pe kāfai te fekau ko hēki folafolagia?

Loma 10:14 ပူးပေါင်းရင်းမြစ်များ

Mataio 20:7

Kua tali mai nā tino, ‘Auā e hēai he tino e fia fakafaigaluegagia ki mātou.’ Oi lea atu ai te faitōvine, ‘Olo la oi gālulue i te tōvine.’

Ioane 20:31

Kae kua tūhia nā mea iēnei kae ke talitonu ai koutou, ko Iehu ko te Mehia, te Ataliki o te Atua, ma e ala i te koutou fakatuatua kia te ia, ka maua ai e koutou te ola fakavavau.

Ioane 9:36

Kua tali mai te tamāloa, “Te aliki, taku mai ake pe ko tēfea te tino tēnā, kae ke talitonu au ki ei!”

Gāluega 19:2

oi fehili vē ai ki ei, “Na fanaifo te Agaga Paia ki outou luga i te kaveaga o koutou ma Kelihiano?” Kua tali mai ki lātou, “E hēki fakalogo lele ki mātou e i ei he Agaga Paia.”

Gāluega 8:31

Ka kua tali mai te eunuka, “E mafai vēhea nei ke mālamalama au kāfai e hēai he tino ke ia fakamālamalama maia ki a te au?” Na lea ai loa ki a Filipo ke hopo ake ke nonofo fakatahi ki lāua i te tāvale holofanua.

Loma 1:5

Ko ia te na ala ai ona tuku mai te avanoa e te Atua ke kavea ai au ma apohitolo mo Keliho, kae ke takitaki ai e ia ia tagata o mālō uma, ke talitonu ma uhitaki.

Efeho 2:17

Ko Keliho la na hau ma na ia tālakia te Tala Lelei o te fīlēmū ki tagata uma — ki a te koutou tagata nukukehe nae mamao ma te Atua, ma ki tagata Iutaia nae pili ki a te ia.

Efeho 4:21

Ko hēki fakalogo moni nei lava koutou e uiga ki a te ia, ma akoakogia i te meamoni e i a Iehu.

2 Timoteo 4:17

Kae na fakatahi mai te Aliki ki a te au ma ia fōki maia te mālohi, kae ke mafai ai e au oi tālaki atu te kātoatoaga o te fekau ki tagata nukukehe uma; ma ko au na laveaki mai gutu o leona.

Tito 1:3

ma i te taimi tatau, na ia fakailoa ai te mea tēnei, e ala i tana kupu na tuku mai ki a te au, ma e kō folafolagia e tuha ai ma te fakatonuga a te Atua to tātou Fakaola.

Epelu 11:6

E hēai he tino e mafai ke fiafia ki ei te Atua pe kāfai e hē fakatuatua, auā ko ai lava he tino e hau ki te Atua e tatau ke talitonu e i ei te Atua, ma e i ei te taui kua ia hāunia mo ki lātou e hakili ake ki a te ia.

Iakopo 5:15

Ko te tatalo tēnei o te fakatuatua ka fakamālōlō ai nā tauale; ka fakafoki e te Aliki to lātou mālohi, ma fakamāgalo e ia a lātou agahala.