Loma 1:32 - Tokelauan New Testament

³² E ki lātou iloa te tūlāfono a te Atua e lea mai ko nā tino e ola i he ōlaga vēnei e tatau ke oti. Kae kua hē gata i te haga fai pea e ki lātou o nā mea iēnei, kae e fiafia foki kinā tino e ki lātou faia nā uiga iēnei.

Loma 1:32 ပူးပေါင်းရင်းမြစ်များ

Luka 11:48

Kua taku mai lava la e koutou, e lagolago e koutou te mea na fai e nā tupuna o koutou; na tāmate e ki lātou nā pelofeta, kae fau e koutou o lātou tugamau mānanaia.

Gāluega 22:20

Ma i te tāmatega o Hetefano, tē nae molimau ki a te koe, ko au nae i ei ma na kau fakatahi au ma ki lātou ke tāmate, ma na kō kikilagia nā kofutatao o nā tino na ki lātou tāmatea ia Hetefano.’

Gāluega 8:1

Ma na fiafia ia Haulo i te tāmatega o Hetefano Ko te aho lava tēnā na kāmata ai oi maua ia tagata o te Ekalehia i Ieluhalema i nā fakahāuāga kino. Ma na takape ai ki lātou ki nā kogāfenua uma o Iutea ma Hāmālia, kae vāganā ai te kau apohitolo.

Loma 1:18

Ko te tōkahā o te Atua e fakaalia mai te lagi, mo nā agahala ma uiga kino uma o tagata, ma e ala i o lātou uiga kino, kua faigatā ai ke fakailoa te meamoni.

Loma 1:21

E ki lātou iloa te Atua, kae e hē ki lātou mafaia lele oi lea vē ake, “Ko koe ko te Atua moni.” E hē ki lātou lagonagia lele foki he loto fakafetai ki gāluega a te Atua. Kae ko o lātou manatunatuga e hēai lele he uiga, ma o lātou māfaufau papaku, kua tumu i te pōgihā.

Loma 6:21

He ā nei la he mea lelei ma koutou na maua, i te kua koutou faia o nā mea kua toe māhiahi ai lava koutou i te taimi nei? Ko te ikuga o nā mea iēnā ko te oti!

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

2 Tehalonia 2:12

Ko te ikuga la, ko ki lātou uma e hē talitonu ki te fekau moni e uiga ki to tātou Aliki kae fiafia oi fai te agahala, ka fakahalagia.