Loma 1:25 - Tokelauan New Testament

²⁵ E hē talitonu ki lātou ki te meamoni e uiga ki te Atua, kae talia e ki lātou te pepelo; e tāpuaki ma kaukauna kinā mea na gaohia e te Atua, kae e hē tāpuaki ki te tino e a ia nā mea na gaohi ma tē e tatau ke vīkia e tagata ke pa ki te fakavavau! Amene.

Loma 1:25 ပူးပေါင်းရင်းမြစ်များ

Mataio 10:37

“Ko ai lava te hili tona alofa ki tona tamana pe ko tona mātua i lo au, e hē aogā ia ke kavea ma oku hoko; ko ai lava te hili tona alofa ki tona ataliki pe ko tona afafine i lo au, e hē aogā ia ke kavea ma oku hoko.

Mataio 6:24

“E hēai he tino e mafai ke kaukauna ki ni matai e toka lua; auā ka ita ki tētahi kae alofa ki tētahi; ka fakamāoni ki tētahi kae inoino ki tētahi. E hē mafai koe ke kaukauna uma ki te Atua ma nā tupe.

Ioane 2:8

Oi vāgana atu ai ia Iehu ki a te ki lātou, “Ahu ake la ni vai oi kave ki te tino e pule i te kaiga.” Kua kave e ki lātou nā vai ki te tino e pule,

Loma 1:18

Ko te tōkahā o te Atua e fakaalia mai te lagi, mo nā agahala ma uiga kino uma o tagata, ma e ala i o lātou uiga kino, kua faigatā ai ke fakailoa te meamoni.

Loma 1:23

Kua hē tāpuaki ki te Atua e mamalu ma ola pea lava, kae kua tāpuaki ki nā fakatuha kua fau fōliga ki tagata e hē ola tūmau, pe ko nā manulele, nā manu vaefa pe ko nā manu fetolofi.

Loma 9:5

na tupuga mai ki lātou i nā tino Epelu takutakua, ma na tupuga mai ai foki ia Keliho. Ke vīkia te Atua tē e aoao tana pule, ke pa lava ki te hēgata. Amene.

2 Kolinito 11:31

Ko te Atua ma te Tamana o te Aliki ko Iehu — ke fakamanuia tona igoa ke pa ki te fakavavau — e ia iloa ko au e hē pepelo.

Efeho 3:21

ke i te Atua nā vīkiga a ala i nā Ekalehia ma Keliho Iehu, i nā aho uma lele, ke pa ki fakavavau fakavavau lava! Amene.

1 Tehalonia 1:9

E tākua e ki lātou uma te tali leleia o ki mātou e koutou i te oatuga o ki mātou, ma te liliu kehega o koutou mai nā tupua, kae kaukauna ki te Atua moni e ola pea lava,

1 Timoteo 1:11

e tuha ai ma te tala lelei gali a te Atua tē e viviki ki ei ia tagata, kua tuku mai ke folafola e au.

1 Timoteo 1:17

Ke i te Tupu o te fakavavau, tē e ola pea lava ma hē kitea e he tino, te Atua e tokatahi lava — te mamalu ma te vīkiga, ke pa ki te fakavavau lava! Amene.

2 Timoteo 3:4

ka hē fakamāoni, hē manatunatu lelei, ma tumu i te mimita; ka fiafia atu ki fiafiaga o te ōlaga i lo ki te Atua;

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.