Loma 1:20 - Tokelauan New Testament

²⁰ Talu te gaohia o te lalolagi e te Atua, e faigōfie lele oi iloa e tagata ko te mālohi o tona mana e hēai hona gataaga, ma ko ia ko te Atua moni. Ko nā mea iēnei e hē kitea, kae e mafai ke iloa. E iloa ona ko nā mea kua fai e te Atua. Oi e hēai la he mea e tatau ke hē ki lātou iloa ai.

Loma 1:20 ပူးပေါင်းရင်းမြစ်များ

Mataio 5:45

kae ke kavea ai koutou ma fānau a te koutou Tamana i te lagi. Auā e fakapupula e ia te la ki tagata lelei ma tagata kino, ma fakamaligi ifo te ua ki a te ki lātou e āmiotonu ma ki lātou e āmiokino.

Maleko 10:6

Kae i te kāmataga o te lalolagi, ‘Na fai e te Atua ki lāua, he tamāloa ma he fafine.’

Ioane 1:18

E hēai he tino na kua ia kitea te Atua. Ka ko te Ataliki e tokatahi e nofo i tafa o te Tamana, ko ia te kua ia fakailoa maia te Atua.

Ioane 15:22

Kana hē hau au oi folafola atu te fekau ki a te ki lātou, e vēnei ake e hēki agahala ki lātou; kae i te taimi nei, kua hē toe i ei he mea ke fakapeku ki ei, mai a lātou agahala.

Gāluega 17:29

Ona ko ki tātou ni fānau e a te Atua, e hē tatau la ki tātou ke manatu ko te Atua e tāi fōliga ki he fakatuha e fai i te aulo, pe i te hiliva, pe i te fatu, i te poto ma te iloa o te tagata.

Gāluega 22:1

“Te kau uho ma oku tamana Iutaia, fakalogo mai ake ke fai atu taku fakamatalaga, ke kitea ai e koutou e hēai haku mea hehē na fai!”

Loma 1:19

E fakahalagia ki lātou e te Atua, auā ko nā mea e tatau ke iloa e uiga ki te Atua, e manino lele ki a te ki lātou, ona na fakailoa lava e te Atua ki a te ki lātou.

Loma 16:26

Kae nei, kua fakailoa te meamoni ki te lalolagi kātoa e ala i nā tuhituhiga a te kau pelofeta; ma e tuha ai ma te fakatonuga a te Atua e fakavavau, ke mafai ai ia tagata nukukehe uma ke talitonu ma uhitaki ki te Atua.

Loma 2:1

E fakamahino atu nei koe ki iētahi tino? Te uho, e tuha lava pe ko ai koe, e hēai lele he mea e tatau ai ke fai e koe he mea vēnā. Auā kāfai e fakamahino atu koe ki iētahi tino, kae toe fai foki lava e koe nā mea e ki lātou faia, ko tona uiga kua fakahalagia ia koe e koe lava.

Loma 2:15

E fakaalia ia lātou mea e fai, ko nā mea e fakatonu mai e te Tūlāfono kua tūhia i o lātou loto. E fakaalia foki e ala i o lātou lotofuatia te moni o te mea tēnei, auā ko iētahi taimi ko o lātou manatunatuga e vē ake, “E hehē tau mea na fai” kae ko iētahi taimi e vē ake, “E hako tau mea na fai.”

1 Kolinito 1:20

Ko te mea ia, he ā te pa ki ei ia tagata popoto? pe ko tagata mālamalama? pe ko tagata popoto fai manatu o tēnei lalolagi? Kua fakaalia e te Atua ko te poto o te lalolagi ko te valea tēnā.

Kolohe 1:15

Ko Keliho ko te ata fakatuha ia o te Atua, tē e hē mafai ke kitea e he tino. Ko ia ko te Ataliki ulumatua, ma e hilihili lele ia i lo hētahi o mea na gaohia e te Atua.

Kolohe 2:9

Auā ko nā uiga uma lele o te Atua e ia Keliho, i tona itū fakatetagata,

1 Timoteo 1:17

Ke i te Tupu o te fakavavau, tē e ola pea lava ma hē kitea e he tino, te Atua e tokatahi lava — te mamalu ma te vīkiga, ke pa ki te fakavavau lava! Amene.

1 Timoteo 6:16

Nā ko ia lava te ola pea lava; e nofo ia i te mālamalama e pupula lahi e hē mafai ke kikila ki ei he tino, ma e hēai he tino na kua ia kitea, pe mafai foki ke ia kitea. Ke ia te ia te vīkiga ma te mana e fakavavau! Amene.

Epelu 11:27

Ko te fakatuatua o Mohe te na ia tukua ai ia Aikupito. Na ia kiteagia te Atua lilo, ma na kavea tēnā ma mea e hēki mataku ai i te tōkahā o te tupu.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.