Loma 1:17 - Tokelauan New Testament

¹⁷ Auā e fakaalia i te Tala Lelei te auala e fakalelei ai e te Atua te va o tagata ma ia: e fakalelei i te fakatuatua ma e nā ko te fakatuatua oioti lava. E vē oi lea mai te tuhituhiga paia, “Ko te tino e fakalelei te va o ia ma te Atua e ala i te fakatuatua, ka ola ia.”

Loma 1:17 ပူးပေါင်းရင်းမြစ်များ

Ioane 3:36

Ko ai lava e talitonu ki te Ataliki, e ia maua te ola e fakavavau; ko ai lava e hē uhitaki ki te Ataliki, e hē ia maua te ola, kae ka tūmau i lalo o te fakahalaga a te Atua.

Loma 10:3

Ko hēki ki lātou iloa te auala e fakalelei ai e te Atua te va o tagata ma ia, ka kua taumafai lava ki lātou ke fai a lātou lava faiga māhani; ma kua hē ki lātou tukuatua ai ki lātou ki te faiga a te Atua e fakalelei ai te va o tagata ma ia.

Loma 3:21

Kae i te taimi nei, ko te auala e fakalelei ai e te Atua te va o tagata ma ia, kua uma te fakailoa mai. E hēki kui mai i te tūlāfono te mea tēnei, e ui lava na molimau te Tūlāfono a Mohe ma te kau pelofeta ki ei.

Loma 3:22

E fakalelei e te Atua te va o tagata ma ia e ala i te fakatuatua ki a Iehu Keliho. Ko te mea tēnei e fai e te Atua ki nā tino uma e talitonu ki a Keliho, auā ko tagata uma lele e tutuha.

Loma 3:3

Kae e vēhea kāfai e i ei ni tino o ki lātou e hē fakamāoni? Ko tona uiga ko te Atua foki la ka hē fakamāoni?

Loma 9:30

He ā la te uiga o te mea tēnei? Ko tona uiga ko tagata nukukehe nae hē taumafai ke fakalelei to lātou va ma te Atua, kae na fakalelei e te Atua e ala i to lātou fakatuatua;

2 Kolinito 3:9

Kāfai na i ei te huhulu pupula i te mea na maua ai te fakahalaga ki te oti, ka hē hili atu nei la te uiga kehe lele atu o te huhulu pupula i te mea e maua ai te fakaolataga!

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Kalatia 3:11

Nei, e manino e hēai he tino e mafai ke fakaleleia tona va ma te Atua e ala i tona uhitaki ki te Tūlāfono, auā e lea mai te tuhituhiga paia, “Ko te tino e fakaleleia tona va ma te Atua e ala i te fakatuatua, ko ia tēnā te ka mauagia te ola moni.”

Filipi 3:9

ma ke kātoatoa lelei te māfutaga ma ia. E hēai he mea e mafai ke kō faia ke talia ai au i mua o te Atua, ona ko au e uhitaki ki te Tūlāfono a Mohe. Ko au e talia oioti i mua o te Atua pe kāfai au e fakatuatua ki a Keliho.

Epelu 10:38

Kae ko nā tino o oku e āmiotonu, ka talitonu ma ola; kae kāfai he tino o ki lātou e toe liliu kehe ma au, ko au la ka hē fiafia ki a te ia.”