Loma 1:13 - Tokelauan New Testament

¹³ Oku uho, ko au e fofou ke koutou iloa, e lahi lele nā taimi nae fia fanatu ai au oi āhi atu koutou, kae ko hēki maua lele he avanoa. Ko au e fofou ke kō maua ni tino ia te koutou mo Keliho Iehu, e vē oi kō maua i iētahi tagata nukukehe.

Loma 1:13 ပူးပေါင်းရင်းမြစ်များ

Ioane 12:24

E takutino atu e au ki a te koutou te meamoni: ko te fuāhaito e fokotahi e tūmau lava ma fuāhaito e fokotahi, vaganā e pakū ki te kelekele ma mate. Kāfai e mate, oi ka lahi nā fua e maua mai ai.

Ioane 15:16

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

Ioane 4:36

Ko te tino e ia helehelea, e maua tona totogi, ma e ia fakaputu maia na fua o te fatoaga mo te ola e fakavavau; ma ka fiafia fakatahi ai te tino e ia totōa, ma te tino e ia helehelea.

Gāluega 1:15

Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

Gāluega 14:27

Kua pa atu ki lāua ki Anitioka, oi fakapotopoto ai e ki lāua ia tagata o te Ekalehia, ma fakamatala ai ki ei nā mea na fai e te Atua ki a te ki lāua, ma te auala na ia hāuniagia ke mafai ai ia tagata nukukehe ke talitonu.

Gāluega 15:12

Ko te maopoopoga kātoa e hēai he tino na magagū ka koi fakalogologo ki te līpoti a Panapa ma Paulo e uiga ki nā vāvega ma nā mea ofoofogia uma a te Atua na fakatino i te mea e i ei ai ia tagata nukukehe, e ala ia te ki lāua.

Gāluega 19:21

Kua uma atu nā mea iēnei, oi tonu ai i te māfaufau o Paulo ko ia ka malaga kui atu i Maketonia ma Akaia, ma fakaauau ai ki Ieluhalema. Na vēia tana kupu, “Kāfai e uma toku āhiāhi ki Ieluhalema, e tatau foki au ke āhiāhi ki Loma.”

Gāluega 21:19

Na fakafeiloaki atu ki lātou e Paulo, ma kavatu ki a te ki lātou he līpoti kātoatoa o nā mea uma na fai e te Atua ki tagata nukukehe, e ala i tana gāluega.

Gāluega 28:14

I kinā, na fetaui ai ki mātou ma ni tino Kelihiano na lea mai ke nonofo ki mātou ia te ki lātou i he vaiaho. Ma na olo ai loa lava ki mātou ki Loma.

Loma 1:12

Ko te uiga o taku lea atu, ke mafai ki tātou ke fakamālohi tētahi ki tētahi, e ala i to tātou fakatuatua.

Loma 11:25

Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

Loma 7:1

Te kau uho, e mālamalama lele koutou i te mea ka lea atu ai au, auā kua iloa e koutou uma te tūlāfono. Ko te tūlāfono e pule oioti ki tagata i te taimi ka koi ola ai ki lātou.

1 Kolinito 1:10

I te igoa o to tātou Aliki ko Iehu Keliho, e lea atu ai au ki a te koutou oku uho, ma toku loto naunau, ko koutou ke tahi i nā mea e tautatala ai koutou, kae ke nahe i ei ai ni fevaevaeakiga ia te koutou. Ke tahi kātoatoa koutou, tahi te manatu ma tahi te fakamoemoe.

1 Kolinito 10:1

Te kau uho, e fia fakamanatu atu e au ki a te koutou te mea na tupu ki nā tupuna o ki tātou na mulimuli ki a Mohe. Nae i lalo uma ki lātou o te puipuiga a te ao, ma na kui loto uma ki lātou o te Tai Kukula ma te haogalēmū.

1 Kolinito 12:1

E tuha ai ma te mea na tuhi mai ai koutou e uiga kinā meaalofa mai te Agaga Paia. Te kau uho, ko au e fofou ke iloa e koutou te meamoni e uiga kinā mea iēnei.

1 Kolinito 14:20

Te kau uho, koutou nahe vē ni tamaiti i outou manatunatuga; koutou ke vē ni pepe e tuha ai ma nā mea e kino, kae ke vē ni tino mātutua e tuha ai ma nā manatunatuga o koutou.

1 Kolinito 14:26

Ko tēnei te uiga o taku lea atu, te kau uho. Kāfai koutou e māfuta mo autou tāpuakiga, e pehe tētahi, e akoako tētahi, e fakamatala e tētahi he fakaaliga mai te Atua, e folafola e tētahi he fekau i nā gagana kehekehe, ma tētahi la e fakamatala e ia te uiga o nā kupu e tautatala ai. Ko nā mea uma e tatau ke fai mo te atiakega o te Ekalehia.

1 Kolinito 9:2

Kāfai iētahi tino e manatu ko au e hē he apohitolo, ko te mea hili tēnā e koutou iloa. Ona ko te ōlaga o koutou i te māfutaga ma te Aliki, kua kavea ai koutou ma fakamāoniga ko au ko he apohitolo.

2 Kolinito 1:8

Ko ki māua e fofou ke fakamanatu atu ki a te koutou, te kau uho, nā puapuagā na pa ki māua ki ei i itūmālō o Ahia. Ko te lahi ma te mamafa o te kavega na fakauta mai ki o mā luga, na pa ai ki māua ki he tūlaga fakahētonu ma na mea e uma ai o mā ola.

2 Kolinito 2:14

Kae fakafetai ki te Atua, auā i te māfutaga ma Keliho ko ki mātou e takitakia pea lava e ia e vē ni pagotā, i te holo e fakailoa ai te manumālō o Keliho. Ko ki mātou e fakaaogā e te Atua ke fakahalalaua te tala ki a Keliho ke vē he meamanogi manaia, ki ho he koga.

Kalatia 3:15

Te kau uho, ke fakaaogā e au he fakatakitakiga faigōfie: kāfai ni tino e toka lua e taufai mālilie ki he mea ma hainia he lā māliliega, e hēai he tino e ia mafaia oi fakahēaogā pe toe fakaopoopo he mea ki ei.

Kalatia 6:18

Te kau uho, ke ia te koutou uma te alofa tūnoa o to tātou Aliki ko Iehu Keliho! Amene.

Filipi 1:22

Kae kāfai e kavea toku ola pea ma mea ke toe fai ai e au ni iētahi gāluega lelei, oi kua hē kō hāfia la pe ko tēfea te mea ka fai.

Filipi 4:17

E hē vē ko au e fofou oioti lava ke kō maua ni meaalofa; kae ko au e fofou ke tuputupu pea lava ia fua o autou gāluega.

Kolohe 1:10

Oi ka mafai ai loa e koutou oi ola e tuha ma te finagalo o te Aliki, ma koutou faia ai pea nā mea e fiafia ai ia. Ka fua mai autou gāluega lelei ma ka fakatupu ātili te koutou mālamalama e uiga ki te Atua.

Kolohe 1:6

E kaumai pea lava e te Tala Lelei nā fakamanuiaga, ma e halalau ki te lalolagi kātoa, e vē foki lava ko te mea na pa koutou ki ei, talu mai te aho muamua na koutou lagona ai e uiga ki te alofa tūnoa o te Atua, ma iloa lelei ai e koutou tona uiga moni.

1 Tehalonia 2:18

Ko ki mātou nae fofou ke toe foki atu ki a te koutou. Na taumafai fakafia lava au ke toe foki atu, kae e hēki mafai ona ko Hātani.

1 Tehalonia 4:13

Te kau uho, ko ki mātou e fofou ke iloa e koutou te meamoni e uiga ki nā tino kua oti, kae ke nahe fakanoanoa ai koutou e vē ni tino kua hēai he fakamoemoe.

2 Tehalonia 2:7

Ko te mālohiaga fakalilolilo o te Tino Kino kua kāmata oi galue, kae ko te mea e tuku e tutupu ka hē mafai lele ke tutupu, heiloga e kave kehe muamua e te Atua te tino e ia tāofiofiagia.

2 Timoteo 4:17

Kae na fakatahi mai te Aliki ki a te au ma ia fōki maia te mālohi, kae ke mafai ai e au oi tālaki atu te kātoatoaga o te fekau ki tagata nukukehe uma; ma ko au na laveaki mai gutu o leona.