Kolohe 4:6 - Tokelauan New Testament

⁶ Ko autou kupu e tatau ke lelei ma mālie i te fakalogo, ma e tatau ke mafai e koutou oi kavatu ni tali e hako ki ni fehili e fai atu e ho he tino.

Kolohe 4:6 ပူးပေါင်းရင်းမြစ်များ

Mataio 5:13

“Ko koutou e vē ko he māhima ki tagata uma o te lalolagi. Kae kāfai te māhima kua uma tona kokona, e mafai vēhea nei ke toe fakakokona? E hē toe aogā ki he mea kae nā ko te togi lava ki fafo ma holi i vae o tagata.

Maleko 9:50

“Ko te māhima e lelei, kae kāfai te māhima kua uma tona kokona, e mafai vēhea nei ke toe fakakokona e koutou? “Ke ia te koutou te māhima ke tūmau ai pea te koutou fealofani ma te fīlēmū, i te va o tētahi ma tētahi.”

Luka 4:22

Na fiafia lahi ki lātou uma, ma ofo lele ki te lelei o ana fakakupuga nae tautala ai. Kua vē ake te lātou kupu, “E hē ko ia tēnei te ataliki o Iohefa?”

Efeho 4:29

Nahe fakaaogā e koe ni kupu e ogohia ai hētahi tino, kae tautala i nā kupu e mafai ke fehoahoani ke ati ake ma maua ai ni fehoahoaniga, kae ke aogā ai autou kupu ki nā tino uma e fakalogo ki ei.

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

1 Petelu 3:15

Kae ifo atu ma outou loto kātoa ki a Keliho ko ia te Aliki. Nonofo hāuni i taimi uma ke tali atu ki ho he tino e lea atu ke fakamālamalama ake ki a te ki lātou te fakamoemoe kua ia te koutou.