Kolohe 4:18 - Tokelauan New Testament

¹⁸ Ko toku lima lava te tuhi atu ai au vēnei: Ni alofaaga mai ia Paulo. Nahe puli i oku filifili e noanoa ai au. Ke ia te koutou te alofa tūnoa o te Atua.

Kolohe 4:18 ပူးပေါင်းရင်းမြစ်များ

Loma 16:20

Ma ko te Atua, te puna o te fīlēmū, ka tuki pala e ia ia Hātani i lalo o outou vae, i he taimi pili mai. Ke ia te koutou te alofa tūnoa o to tātou Aliki ko Iehu.

Loma 16:22

Ko au, ko Tetiahi, tē na tuhiagia te tuhi tēnei, e fakafeiloaki atu ki a te koutou i te igoa o te Aliki.

Loma 16:23

E momoli atu ia alofaaga o Kaio, e o ia te fale e nofo ai au ma fai ai nā lotu; e vēnā foki ia alofaaga o Elahito, te teutupe o te kakai, ma te tātou uho ki a Kuata.

1 Kolinito 16:21

I toku lima e tuhi ai e au te mea tēnei: Fakamanuiaga mai ia Paulo.

Filipi 1:7

Ko koutou e i toku loto i taimi uma lava. Ma ko he mea tatau foki lava ke ia te au ni lagona vēnei e uiga ki a te koutou. Auā ko koutou uma ni hoa e o oku i te gāluega tēnei na tuku mai e te Atua ki a te au i tona alofa tūnoa, e hē gata i te taimi nei e falepuipui ai au, kae vēnā foki i nā taimi nae haoloto ai au ke fai ma molimau ki tagata ki te moni o te Tala Lelei, kae ke fakamautū ai to lātou talitonu ki ei.

Kolohe 4:3

Tatalo foki mo ki mātou, ke tatala mai e te Atua ki a te ki mātou he avanoa ke tālaki atu ai tana fekau ki te mealilo e uiga ki a Keliho. Auā ko te mea ia e i te falepuipui ai au i te taimi nei.

2 Tehalonia 3:17

I toku lava lima e tuhi ai e au te mea tēnei: Alofaaga mai ia Paulo. Ko tēnei taku haini e fai ki aku tuhi takitahi uma; ko tēnei te faiga o aku tuhituhiga.

1 Timoteo 6:21

Auā e i ei nā tino kua lea, ko ki lātou e popoto, ma kua fai tēnā ma mea e olo kehe ai mai to lātou talitonuga. Ke ia te koutou uma te alofa tūnoa o te Atua.

2 Timoteo 1:8

Ia koe la nahe mā oi molimau e uiga ki to tātou Aliki; ia koe foki nahe mā ona ko au, he pagotā ona ko Keliho. Kae ke talia e koe tō vāega o nā puapuagā mo te Tala Lelei, e vē ona fōki atu e te Atua te mālohi ki a te koe, ke fai ai e koe te mea tēnei.

2 Timoteo 4:22

Ke fakatahi te Aliki ma koutou. Ke ia te koutou uma te alofa tūnoa o te Atua.

Tito 3:15

E fakafeiloaki atu ki a te koe ki lātou uma e fakatahi ki mātou. E fakafeiloaki atu foki ki a mātou uō Kelihiano e alolofa mai ki a te ki mātou. Ke ia te koutou uma te alofa tūnoa o te Atua.

Epelu 13:25

Ke ia te koutou uma te alofa tūnoa o te Atua.

Epelu 13:3

Ke manatua e koutou nā tino i te falepuipui, e vē lava koutou ni tino nae i te falepuipui ma ki lātou. Ke manatua nā tino puapuagā e vē lava ko koutou ni tino nae puapuagā e vē ko ki lātou.