Kolohe 4:10 - Tokelauan New Testament

¹⁰ E alofa atu ia Alihitako, tēnei e falepuipui fakatahi ki māua, vēnā foki ia Maleko te fetautāina o Panapa. (Kua uma te koutou maua o te fakatonuga ke koutou taliagia fiafia ia Maleko kāfai e kui vēnā atu.)

Kolohe 4:10 ပူးပေါင်းရင်းမြစ်များ

Gāluega 12:12

Kua ia hāfia te tūlaga kua pa ia ki ei, oi fano ai ki te fale o Malia, te mātua o Ioane Maleko. E tokalahi nā tino nae maopoopo i kinā ma nae fai talohaga.

Gāluega 12:25

Kua uma te fakatino e Panapa ma Haulo te mea na ala ai o na olo ki Ieluhalema, oi toe olo kehe ai ma kave e ki lāua ia Ioane Maleko.

Gāluega 13:13

Oi folau ai ia Paulo ma ona hoa mai Pafoho ma taunuku atu ki Pelekē, he kakai i Pamefulia; ko kinā te na tētēka ai ki lātou ma Ioane Maleko ona kua toe foki ki Ieluhalema.

Gāluega 13:5

Kua pa atu te toka lua ki Halamini, oi tālaki ai e ki lāua te kupu a te Atua i loto o nā hūnako o tagata Iutaia. Nae ia te ki lāua ia Ioane Maleko ke fehoahoani ki te gāluega.

Gāluega 19:29

Kua halalau te vevehi ki te kakai kātoa. Oi puke ai e te kaifenua ia Kaio ma Alihitako, ni tino Maketonia nae malaga fakatahi ma Paulo, ma kave ki te malae e maopoopo ki ei ia tagata o te kakai.

Gāluega 20:4

Ko Hōpato te ataliki o Pulo, mai Peloia, na olo ma Paulo; na vēnā foki ia Alihitako ma Hekounato mai Tehalonika; ko Kaio mai Tepene; ko Tuhiko ma Tolofimo mai te itūmālō o Ahia; ma Timoteo.

Gāluega 27:2

Na hohopo ki mātou ki he vaka na hau mai Atalamuteno ma kua hāuni ka malaga ki nā taulaga o te itūmālō o Ahia, ma na tukuvaka ai loa ki mātou. Nae fakatahi ki mātou ma Alihitako, he tino Maketonia e hau i Tehalonika.

Gāluega 4:36

Ma ko Iohefa la, te ha-Levī na fānau i Kupulona, tē nae fakaigoa e te kau apohitolo ki a Panapa (ko tona uiga “Ko Tē e Fakamākeke ki tagata”),

Loma 16:2

Talia ko e koutou i te igoa o te Aliki, e vē ona tatau ke fai e tagata o te Atua, ma fehoahoani ki ei i ho he mea e fofou ki ei; auā e tokalahi na kavea ia ma o lātou fehoahoani, e vēnā foki ona fehoahoani mai ia ki a te au.

Loma 16:7

E fakafeiloaki atu foki ki a Anitolika ma Iuni, oku uho Iutaia nae i te falepuipui fakatahi ki mātou; e iloa lelei lele ki lāua e te kau apohitolo, ma na muamua oi kavea ki lāua ma Kelihiano i lo au.

2 Timoteo 4:11

Nā ko Luka te i kinei ki māua. Hau ma kaumai ia Maleko, auā e mafai ke fehoahoani mai ki a te au i te gāluega.

Filemoni 1:23

E alofa atu ki a te koutou ia Epafalahi tēnei e i te falepuipui fakatahi ki māua e ala i te tautua ki a Keliho Iehu,

Filemoni 1:24

ma e vēnā foki oku hoa i luga o te gāluega, ia Maleko, Alihitako, Temahi, ma Luka.

1 Petelu 5:13

Ko te hoa Ekalehia o koutou i Papelona, na filifilia foki e te Atua, e fakafeiloaki atu ki a te koutou, e vēnā foki toku ataliki ko Maleko.