Kolohe 3:8 - Tokelauan New Testament

⁸ Kae nei, kua tatau ke tīaki e koutou nā mea uma iēnei: ko te loto fekai, ko te nauloto ma nā lagona kino. Nahe i ei lele ni kupu fakakino, pe ni kupu palapalā e hau mai outou gutu

Kolohe 3:8 ပူးပေါင်းရင်းမြစ်များ

Mataio 5:22

Kae ko au e lea atu nei ki a te koutou, ko ai lava e ita ki tona uho, ka kave ki te fakamahinoga; ko ai lava e lea vē ki tona uho, ‘E hēai hō aogā!’ ka kave ki te Taupulega, ma ko ai lava e taku e ia tona uho ko he mea valea, e ono togi ki loto o te afi o kēna.

Maleko 7:22

te mulilua, te manako lahi, ma te fai o nā itūkāigā āmio kino uma, te talapepelo, te faiamio, te lotokino, te faitala fakakino, te fāfia ma te āmio valea.

Loma 13:13

Ke lelei a tātou āmio, e vē ko nā tino e nonofo i te mālama o te ao — e hēai he fai pātī hē taupulea pe konanā, e hēai ni āmio mātagā uiga kehe pe faiamio, e hēai he tauaimiha pe fuā.

1 Kolinito 3:3

auā ko koutou koi ola lava e vē oi ola ia tagata o tēnei lalolagi. Kāfai e i ei te lotokino ia te koutou ma tauaimiha, e hē ko te fakamāoniga nei tēnā ko koutou e o te lalolagi, ma e fai e koutou nā uiga māhani o tagata?

2 Kolinito 12:20

Ko au e popole nā ia au e pa atu kua kehe te tūlaga kua i ei koutou i lo te mea e fofou au ki ei, ma koutou kitea kua kehe te tūlaga kua i ei au i lo te mea e fofou koutou ki ei. Ko au e popole nā ia au e pa atu ko koutou e tauai miha ma loto kino, e loto ita ma manatu fakapito, e tau fakakino ma faitatala, e mimita ma hē pūlea.

Kalatia 5:15

Kae kāfai koutou e tūmau pea te takati ma te fakaogohia o tētahi ki tētahi e vē ko uiga o nā manu fekai, koutou la ke mataala auā e i na ka fakaumatia kātoa tētahi e tētahi.

Kalatia 5:20

ko te ifo ki tupua ma te fai mea fakataulaitu. Ko te fevaevaeaki ma tauaimiha; ko te loto kino, ko te ita ma te manatu fakapito. Ko te fetekeaki ma fai itū kau;

Kalatia 5:26

Kae nahe ki tātou fia hili, pe fakatīgā tētahi ki tētahi, pe mata pipiko tētahi ki tētahi.

Efeho 4:22

Ko te mea ia, tīaki loa outou uiga tuai nae ola ai koutou muamua — nā uiga tuai e fakaumatia ai koutou ona e maua mai ai e koutou nā tuinanauga e fakahehē ai.

Efeho 4:25

Ko te mea ia, tuku loa te faitala pepelo. Ko ki tātou uma ni vāega e o te tino o Keliho, e tatau la ke tautala te uho Kelihiano ki tētahi ona uho, i te meamoni.

Efeho 4:26

Kāfai koutou e ita, nahe kavea te koutou ita ma mea e agahala ai koutou, ma nahe fano te aho kātoa koi ita koutou.

Efeho 4:29

Nahe fakaaogā e koe ni kupu e ogohia ai hētahi tino, kae tautala i nā kupu e mafai ke fehoahoani ke ati ake ma maua ai ni fehoahoaniga, kae ke aogā ai autou kupu ki nā tino uma e fakalogo ki ei.

Efeho 5:4

E hē tatau foki ke fakaaogā e koutou ni kupu kino, pe ni tala valea, pe ni kupu palapalā. Kae e tatau koutou ke fakafetai ki te Atua.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

Kolohe 3:9

Nahe pepelo tētahi ki tētahi, auā kua uma te koutou tuku keheagia o te tino tuai ma ona uiga

1 Timoteo 1:13

e ui lava e i ei he taimi kua teka atu nae fāifāi ai au ki tona igoa ma fakahāuā ma fakamātagā ki a te ia. Kae ko te Aliki na alofa fakahao mai ki a te au, ona nae hē kō iloa aku mea nae fai, auā ko hēki talitonu ai au ki a te ia i te taimi tēnā.

1 Timoteo 1:20

Ko iētahi o ki lātou iēnei e i ei ai ia Himenaio ma Alehana. Kua uma te kō tuku atua o te toka lua tēnei ke pule ai ia Hātani, kae ke fai ma akoakoga ki a te ki lāua ke nahe toe fāifāi ki te Atua.

Epelu 12:1

Ko te mea ia, ona ko ki tātou e hikomia e he kaifenua tokalahi o tagata e fai ma molimau, tuku kehe la nā mea uma e fai ma fakalavelave ki a te ki tātou, ma te agahala e pipiki mau mai ki a te ki tātou. Kae tātou fētutuli ma te onohai i te tūkuga ei mua nei o ki tātou,

Iakopo 2:7

Ko ki lātou lava iēnei te fāifāi ki te igoa lelei o te Aliki tēia kua uma te fakamanuiagia ai o koutou.

1 Petelu 2:1

Ko te mea ia, kave kehe loa nā uiga kino uma; nahe toe talapepelo, pe fakagutugutulua, pe fuā pe fai tala fakakino.

2 Petelu 2:18

E fai e ki lātou nā tala mimita ma te valea, ma fakatōhina e ki lātou e ala i nā tuinanauga o te tino, nā tino fātoā mafai ke olo kehe mai i te ōlaga hehē.

2 Petelu 2:7

Na fakaola e ia ia Lota, he tamāloa āmiotonu nae fakanoanoa lahi lele, ona ko tuinanauga mātagā o tagata holi tūlāfono.

Iuta 1:13

E vē ki lātou ko nā galu o he tai hou, ko te takāpia o a lātou āmio mātagā, e togi ake ki te matāfaga. E vē ki lātou ko nā fetu e eva holo, ma kua uma te hāunia e te Atua he nofoaga i te lolotoga o te pōgihā, ke nonofo ai pea ki lātou ke pa ki te fakavavau.

Iuta 1:8

E vēnā foki lava nā tino iēnei. Nae ki lātou kitea ni fakaaliga e ala i ni miti ma kua agahala ai ki lātou i o lātou tuinanauga ki te tino; nae teteke ki te pule a te Atua ma fāifāi ki nā agelu mamalu.

Fakaaliga 16:9

kua mu ia tagata i te kakaha o te vevela, ma fai ai e ki lātou uma nā kupu kino ki te Atua, tē e ia te ia te pule ki nā mala uma iēnei. Kae e hēki liliu kehe ki lātou mai a lātou agahala ma viviki atu ki tona hilihilikehe.